AQŞ elçisi James Gilmore yanvarniñ 16-sında Venada OSCEde Daimiy Şuranıñ oturışında ilhaq etilgen Qırımda fevral ayınace tevqifi uzatılğan faal Oleg Prıhodkonı andı. Elçiniñ fikrince, faalge qarşı dava, Rusiyeniñ Qırım ilhaqı ile razılaşmağanı içün açıldı.
Bunıñ aqqında haber OSCEde AQŞ missiyasınıñ saytında yerleşken.
"Rusiye işğalci akimiyeti ukrain faal Oleg Prıhodkonıñ apisini fevralgece uzatqanı içün raatsızlanamı. O, Rusiye işğaline qarşı silâsız tirenüv yapqanı içün "terrorcılıq"ta qabaatlandı", - dedi Gilmor.
Bundan evel bildirile edi ki, AQŞ elçisi OSCEde Daimiy Şuranıñ oturışında Rusiye ve Qırımda tutulğan ukrain siyasiy mabüslerni azat etmege rica etti.
Bundan evel Ukraina tarafdarı olğan faal Oleg Prihodko kelecek yılnıñ fevralniñ 10-unace SİZOda tutulacaq, çünki Rusiye nezaretindeki Qırımnıñ Yuqarı mahkemesi imaye tarafınıñ tevqif uzatılmasına apellâtsiya şikâyetini qanaatlendirmedi.
Şeyhmambetovnıñ malümatına köre, Prihodkonı gece-kündüz video közetüvi altında olğan eki adamlıq kamerada tutalar.
Daa evel bildirile edi ki, rusiyeli Maliyeviy nezaret hızmeti, Oleg Prıhodkonı ekstremist faaliyetine ya da terrorcılıqqa ait olğan şahıslarnıñ cedveline kirsetti.
