Ukraina tarafdarı olğan faal Oleg Prihodko kelecek yılnıñ fevralniñ 10-unace SİZOda tutulacaq, çünki Rusiye nezaretindeki Qırımnıñ Yuqarı mahkemesi imaye tarafınıñ tevqif uzetılmasına apellâtsiya şikâyetini qanaatlendirmedi.
Bunı Qırım.Aqiqat mühbirine advokat Nazim Şeyhmambetov aytıp berdi.
"Qırımnıñ Yuqarı mahkemesi Kiyev rayonı mahkemesiniñ qararını amelde qaldırdı. Oleg Arkadyeviç sıñırlav tedbirini ev tevqifine deñiştirsinler dep muracaat ete edi, O, oña qarşı cinaiy dava sahte dep tüşüne. Esli olğanından sebep, onıñ tahqiqattan saqlanmaq içün ne istegi, ne de imkânı bar. Amma mahkeme bu muracaatnı qanaatlendirmedi", - aytıp berdi advokat.
Şeyhmambetovnıñ malümatına köre, Prihodkonı gece-kündüz video közetüvi altında olğan eki adamlıq kamerada tutalar.
Daa evel bildirile edi ki, rusiyeli Maliyeviy nezaret hızmeti, Oleg Prıhodkonı ekstremist faaliyetine ya da terrorcılıqqa ait olğan şahıslarnıñ cedveline kirsetti.
