Link açıqlığı

Saatnıñ esas haberi

Apay, ana ve küreşçiler: Sevil Ömerovanıñ ikâyesi


Rusiye kontrolindeki Qırım mahkemeleriniñ ükümleri sebebinden bugünde-bugün yüzden çoq bala babasız qaldı. Bazıları babasını mektepteki tedbirde körip olamaycaq, babaları merasimge kelmeycek, qızına toy künü qoltutmaycaq, baba sport yarışlarında ğalip çıqqan oğlunı quçaqlap olamaycaq. Bu balalardan bazıları babalarını doğğanından berli körmedi. Olarnıñ babaları mabüs ola, aq qorçalayıcılar olarnı siyasiy mabüs olaraq tanıy.

Ana qorantanı birleştire, balalarını baqa, ev işlerinen oğraşa. Şimdi ana küreşçi de oldı.

Qırım.Aqiqat, Qırımdaki siyasiy dava mabüsleriniñ ömür arqadaşlarınıñ ikâyelerini derc ete. Bu maqalede Sevil Ömerova aqqında (Mümine Saliyevanıñ ikâyesini mında, Liana Cemadnovanıñ ikâyesini ise mında oquñız) ikâye etilecek.

«Daa çoq dua etsem, babam tezden qaytacaq»

Riza Ömerovnıñ evinde tintüv keçirilgende apayı Sevil dörtünci balasını beklegen edi. Tintüv vaqtında stress sebebinden az qaldı erte doğuracaq edi. Qadın aqayı tutulğanda bile oña yardım etmege tırışqan edi.

«Allah maña aqay, dost, menim içün bir tayançnı bağışladı. Er şeyni beraber yapa edik, sıq-sıq şaqalaşa edik. Bazıları «Qavğa etesiñizmi?» dep soray ediler. «Yoq», – dep ayta edik. Qavğa etmege bilmey edik», – dep ikâye ete siyasiy mabüs Riza Ömerovnıñ ömür arqadaşı Sevil.

Lemara – Sevilniñ qaynanası – Rusiye quvetçileri evine kelgen künni hatırlap, közyaşlarını tutıp olamay. Bir künde oğlu Riza ve aqayı Enver tutıp alındı. Lemaranıñ ömür arqadaşını ve oğlunı Rusiye FSBsi «Hizb ut-Tahrirde» iştirak etkeninde qabaatlay. Qadınnıñ aytqanına köre, Qırımda apiske aluvlar oña sovetler vaqtını añdıra, qartanası dua etmek içün saqlanmağa mecbur edi.

«Stalin vaqtında oğullarından qaravul etmelerini rica etken edi, çünki Qurannı tutıp ala, atta yaqqan ediler. Balalarğa er vaqıt ağır-sabırlı, yımşaq ve emin olmalarını ögretemiz – bu qadar. Bu terrorist sayılamı? Rusiye bizni böyle köre», – dep ayta Lemara Ömerova.

Aqaysız, babasız, ağasız: Ömerovlar qorantası nasıl yaşay (video)
Bekleñiz, lütfen

No media source currently available

0:00 0:05:36 0:00

Fatma – Lemaranıñ qızı – az ağlağanını ayta, anasınıñ yanında ağlamamağa tırışa.

«Onıñ yanında darılmayım, dayanmağa tırışam, vaziyeti zor olğanını añlayım. Bu vaziyetni közyaşnen deñiştirip olamam, dayanmağa tırışam. Şimdi künlerim belli: vesiqalarnı azırlayım, advokat, elimden kelgenini yapam, bularnen oğraşam», – dep ayta Fatma.

Üç yıl evelsi onıñ aqayı da apiske alındı. Onıñ ükmü endi çıqarıldı – 14 yıl apis cezası – «Hizb ut-Tahrirde» iştirak etkeninde qabaatlandı. O vaqıt beş aqmescitli qırımtatarı qabaatlanğan edi.

«Elbette, er biri bu siyasiy taqip olğanını ayttı, em olarnı, em bütünley qırımtatar halqını 21-inci asırda terrorist dep adlandırıp taqip eteler. 1944 senesi de aynısı olğan edi, halqımıznı satqın dep adlandırmağa tırışqan ediler», – dedi oturışuv künü advokat Emil Kurbedinov.

Fatma, aqayı apiske alınğan soñ üç yıl devamında qardaşı ve babası onıñ tayançı olğanlar, dep ayta. Şimdi olarnı da alğanlar – qabaat aynı.

«Babamnen ğururlanam. Oña er şey içün minnetdarım, bizni terbiye etti, yüksek tasil berdi: maña da, qardaşıma da», – dep ayta Fatma.

O, balalarınen beraber anasınıñ yanına köçti. Eki qorantada – yedi bala. Ortancı Suleymannıñ doğğanından yürek qusurı bar. Oğlançıq şöyle ayta: daa çoq dua etsem, babam tezden qaytacaq.

«Hizb ut-Tahrir işi» boyunca apiske alınğan ve mahküm etilgenlerniñ imayecileri olarnıñ taqip etilmesi diniy sebeplernen bağlı olğanını tüşüne. Advokatlar qayd etkenine köre, Rusiye uquq qoruyıcı organları tarafından bu dava boyunca taqip etilgenler – ekseriyeti qırımtatarlar ve ukrain, rus, tacik, azeri ve islâm dinini kütken diger millet vekilleri. Halqara uquq işğal etilgen topraqlarda işğalci devlet qanunlarını kirsetmege yasaqlay.

«Hizb ut-Tahrir» halqara islâm siyasiy teşkilâtı, bütün musulman devletleriniñ islâm halifeligine birleştirilmesini öz maqsadı olğanını ayta, amma olar, bu maqsatqa irişmek içün terroristik usullarnı red ete ve Rusiyede adaletsiz taqip etilgenini ayta. Rusiye Yuqarı mahkemesi 2003 senesi «Hizb ut-Tahrir» teşkilâtını 15 «terrorist» birleşme cedveline kirsetip, onı yasaq etti.

XS
SM
MD
LG