SİZOda tutulğan "Hizb ut-Tahrir davası"nıñ iştirakçisi Riza Ömerovnıñ, avgust 9-ında oğlu doğdı . Bunı "Qırım birdemligi" cemiyet birleşmesi haber etti.
Riza Ömerov - Qarasuvbazar, Aluşta ve Aqmescit rayonlarında tintüvlerden soñ tutulıp alınğan sekiz adamlardan birisidir.
Haber etilgeni kibi, iyünniñ 10-nda saba Aluşta, Qarasuvbazar ve Aqmescit rayonlarında qırımtatarlarnıñ evlerinde keçirilgen tintüvlerden soñ 8 er adam tutuldı.
Rusiye FSBsi tahqiqat tedbirleri 205.5 maddesi (terror teşkilâtınıñ faaliyetini teşkil etüv ya da iştirak etüv) boyunca cinaiy dava çerçivesinde keçirile ve «Hizb ut-Tahrir» teşkilâtınen bağlı, dep bildirdi.
Ukraina uquq qoruyıcı organları Qırımda Rusiye quvetçileri keçirgen tintüvlerden sebep cinaiy tahqiqat başlattı.
