Link açıqlığı

Saatnıñ esas haberi

«Anam yatıp, soñki sözlerini ayta: «Men yahşım». 18 yaşında Vâçeslavnıñ anası közleri ögünde can berdi, oğlu onı qurtarmağa tırıştı


Vâçeslav anasınıñ yaralarını urbanen sarmağa tırışıp, yardımğa çapıp ketti. Qaytqanda keç edi.
Vâçeslav anasınıñ yaralarını urbanen sarmağa tırışıp, yardımğa çapıp ketti. Qaytqanda keç edi.

Rusiyeniñ Ukrainağa qarşı başlatqa cenkinden evel 18 yaşında Vâçeslav anası 37 yaşında Marina, eki kiçik qız qardaşı ve eki oğlan qardaşınen Donetsk vilâyetiniñ Verhnetoretskoye köyünde yaşay ediler, dep yaza «Nastoyaşçeye Vremâ» («Amerikanıñ Sesi» iştiraki ile RFE/RL şirketi tarafından quruldı).


O mart künü anasınen beraber evge qayta ediler, yanlarında biri-biri artından eki snarâd patladı.

Közlerimni açsam, anam yan yata ve soñki sözlerini ayta: «Er şey yahşı olacaq»
Vâçeslav

«Bizden bir on adım uzaqlıqta birinci snarâd tüşti. Tüşkenini kördim. Anam yattı, men oturdım. Yanımda edi. Pek yaqın. Közlerimni açsam, anam yan yata ve soñki sözlerini ayta: «Er şey yahşı olacaq», – dep hatırlay Vâçeslav.
Patlav qadınnıñ bütün iç müçelerine zarar ketirdi. Vâçeslav anasınıñ yaralarını urbanen sarmağa tırışıp, yardımğa çapıp ketti. Qaytqanda keç edi.


Genç ve çağına yetmegen dört qardaşı öksüz qaldılar.

Evge kirdim, ve balalar özleri añlağanlar. Özleri er şeyni añlağanlar

«Evge kirdim, ve balalar özleri añlağanlar. Özleri er şeyni añlağanlar. Tek Nikol soradı: onı qurtarmağa çare bar edimi, Men elimden kelgenini yaptım», – dep ayta Vâçeslav.

Marina can bergen yerniñ yanında defin etildi. Mezarlıqta olmay. Mezarlıqta mayınlar qoyuldı.

Bir ay evelsi tanışları öksüzlerge tahliye olmağa yardım etti. Şimdi telükesizlikte, Lviv vilâyetiniñ Droğobıç şeerindeler. Göñülliler olarnı yataqhanelerge yerleştirdi. Vâçeslav oğlan ve qız qardaşlarınıñ vasiyligini aldı. Balalar mektepke qatnam başladı. Ağaları tibbiyet universitetine kirmege azırlana ve çalışa.

«Balalıqları olsun isteyim. İnkişaf etsinler, istegenleri kibi kelecekleri olsun isteyim. Bunıñ içün elimden kelgenini yapqanımnı bilem», – dep ayta Vâçeslav.

Ukrayinağa qarşı Rusiye silâlı ücümi fevralniñ 24-nden sabadan berli devam ete. Rusiye ordusı arbiy ve vatandaş infrastrukturasınıñ esas obyektlerine avadan darbe endire, uçaq alanları, arbiy bölük, cermay bazaları, yaqıt stantsiyaları, kilse, mektep ve hastahanelerni viran ete.

Aprelniñ başında Moskva Ukrayina şimalinde faal olğanını toqtattı, dep bildirdi. Tezden Ukrayina akimiyeti Kıyiv, Çerniğiv ve Sumı vilâyetinde Rusiye arbiyleri qalmadı, dep ayttı.

Rusiye ordusı çekilgen soñ azat etilgen köy ve şeerlerde kütleviy öldürüv adiseleri aqqında belli oldı. Bazı ğarbiy liderler Rusiyeni cenk cinayetlerinde qabaatladı. Rusiye akimiyeti arbiyleriniñ öldürüvlerge alâqası bar olğanını inkâr etip, olarnı «uyduruv» dep adlandıra.

Rusiye Ukrayinağa qarşı basqıncılıq cenk alıp barğanını inkâr ete ve bunı maqsadı «askeriysizleştirüv ve denatsifikatsiya» olğan «mahsus operatsiya» dep adlandıra.

Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net . Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.

XS
SM
MD
LG