Alâ daa suvu bar olğan yer: Aluştada Körbek yapma gölü (video)
Qırımda qışnıñ birinci ayı bite, yerli Gidrometeorologiya merkezinde ise aqtıq quru baar olacağını tahmin eteler. Bu, bıltır küzde yarımadada yeterli qadar yağanaqlarnıñ yağmağanınen bağlı. Onıñ içün suv anbarları yarı boş qaldı. Öyle yapma göllerinden birisi - Körbek (İzobilnoye) gölü - Büyük Aluştanıñ civarında yerleşken. 2019 senesi dekabr ayınıñ soñuna olğan alğa köre, tolu acemi 12 800 kub metr olğan gölde 8 600 kub metr suv oldı. Suv anbarınıñ tolu olmasınen bağlı daa kritik bir vaziyet 2012 senesinde oldı. O zaman onıñ kölemi 2 600 kub metr suv edi.