Qırımnıñ rusiyeli başı Sergey Aksönov, Qırımda kelecek afta 50 yañı avtobus qatnap başlaycağını haber etti. İlhaq etilgen yarımadada üç yıl devamında umumen bir biñ yañı yolcu avtobusını satın almağa isteyler.
"Qırım ilk 50 avtobusnı aldı. Kelecek afta olarnı marşrutqa qoyacaqmız. Añlaşqanımız kibi, yañı tehnika alınacaq. Üç yıllıq satın aluv planı tasdıqlandı, bir biñ naqliyatnı alacaqmız. Konkurs şartları yılnıñ soñuna qadar becerilmeli" - yaza Aksönovnıñ sözlerinden "Krıminform".
Onıñ aytqanına köre, yılnıñ soñunace Qırımğa daa 40 naqliyat ketirilecek.
Oktâbrniñ soñunda "Krımtrolleybus" şirketi, "LiAZ" ve "KAvZ" markalı 44 yañı avtobusnı aldı.
İyülniñ birisinden başlap Aqmescit (Simferopol), Yalta ve Aluştada şeer trolleybuslerniñ ücreti 17 rüblege qadar paalılaştı.
