Link açıqlığı

Saatnıñ esas haberi

ABD devlet kâtibi Blinken: «Qırımnıñ küç yolunen zapt etilmesi qırımtatar ve ukrainlerge qarşı suistimalğa sebep oldı»


Entoni Blinken
Entoni Blinken

ABD Devlet kâtibi Entoni Blinken, Qırımnıñ küç yolunen zapt etilmesi qırımtatarlarğa, etnik ukrainlerge, işğalge tınç yolunen qarşı çıqqanlarğa suimtimalğa sebep oldı. Bunı o, Stokgolmda OSCE Nazirler şurasınıñ 28-inci körüşüvi vaqtında bildirdi.

«Biz Rusiyeniñ Ukrainağa qarşı nevbetteki ciddiy tecavuz planlarını azırlağanına dair delillerden teren raatsızmız. Rusiyeni Ukrainanıñ topraq bütünligi ve suverenitetini ürmet etmege ve vaiziyetniñ kerginleştirilmesini toqtatmağa çağıramız», – dedi Blinken.

Aynı zamanda o, Rusiyeni Minsk añlaşmalarını yernine ketirmege çağırdı.

Rusiye prezidentiniñ matbuat kâtibi Dmitriy Peskov Volodımır Zelenskıynıñ dekabrniñ 1-nde Yuqarı Rada ögünde Qırımnıñ işğalden azat etilmesi ile bağlı çıqışına cevap berdi.

Bloklav ve tsenzurasız haberler! Qırım.Aqiqat qullanımını qurmaq içün iOS ve Android.

Qırımnıñ Rusiye tarafından işğal etilüvi

2014 senesi fevral ayında Qırımda işaretsiz urbada silâlı insanlar peyda oldı. Olar Qırım Yuqarı Şurası, Aqmescit ava limanı, Keriç parom keçiti, diger strategik obyektlerni zapt etip, Ukraina ordusınıñ areketlerini blok etken edi. Rusiye akimiyeti bu insanlarnıñ Rusiye ordusınıñ arbiyleri olğanını başta inkâr etken edi. Daa soñra Rusiye prezidenti Vladimir Putin bular Rusiye arbiyleri olğanını tanıdı.

2014 senesi martnıñ 16-nda Qırım ve Aqyarda yarımada statusınen bağlı dünyada tanılmağan «referendum» olıp keçti, onıñ neticesinde Rusiye Qırımnı öz terkibine aldı. Ukraina, Avropa Birligi, ABD «referendumdaki» rey neticelerini tanımadı. Rusiye prezidenti Vladimir Putin martnıñ 18-nde Qırımnıñ Rusiyege «qoşulğanını» ilân etti.

Halqara teşkilâtlar, Qırımnıñ işğali ve ilhaqını qanunsız tanıp, Rusiyeniñ areketlerini takbih ettiler. Ğarp devletleri bir sıra iqtisadiy sanktsiyalarnı qullandı. Rusiye, yarımadanı işğal etkenini inkâr etip, buña «tarihiy adaletniñ tiklenmesi», dey. Ukrainanıñ Yuqarı Radası 2014 senesi fevralniñ 20-ni, Rusiye tarafından Qırım ve Aqyarnıñ muvaqqat işğali başlağan künü olaraq resmen ilân etti.

XS
SM
MD
LG