Link açıqlığı

Saatnıñ esas haberi

Kreml Zelenskıynıñ Qırım ile bağlı aytqanlarını «Rusiye içün doğrudan tehdit» adlandırdı


Dmitriy Peskov
Dmitriy Peskov

Rusiye prezidentiniñ matbuat kâtibi Dmitriy Peskov Volodımır Zelenskıynıñ dekabrniñ 1-nde Yuqarı Rada ögünde Qırımnıñ işğalden azat etilmesi ile bağlı çıqışına cevap berdi.

Bunı TASS Rusiye malümat agentligi haber ete.

«Prezident Zelenskıynıñ Rusiye meselesine dair tünevinki aytqanlarını talil etemiz. Parlament ögünde çıqışta bulunıp, Zelenskıy Qırımnıñ qaytarılması Ukrainanıñ esas maqsadı ve felsefesi olmalıdır dedi. Bunı Rusiye tarafına aytılğan doğrudan tehdit kibi sayamız. Bu, Kyiv rejimi Rusiyeniñ bölgesine tecavuz etmek içün bar olğan er angi imkânlardan faydalanmağa azır olğanına delâlet ete, şu cümleden küç yolunen de. Biz bunı böyle köremiz», – dedi Peskov.

Evel Peskov, Kreml Qırımnıñ işğalden azat etilüv meselesini Ukraina ile mazakere etmeycegini bildirgen edi.

Kreml, 2014 senesi Rusiye tarafından işğal etilgen Qırımnıñ topraq mensüpligi meselesi muzakerelerge qapalı, dep çoq aytqan edi. 2014 senesi AB ve ABD Qırım işğali sebebinden Rusiyege qarşı sanktsiyalar kirsetti.

Bloklav ve tsenzurasız haberler! Qırım.Aqiqat qullanımını qurmaq içün iOS ve Android.

Qırımnıñ Rusiye tarafından işğal etilüvi

2014 senesi fevral ayında Qırımda işaretsiz urbada silâlı insanlar peyda oldı. Olar Qırım Yuqarı Şurası, Aqmescit ava limanı, Keriç parom keçiti, diger strategik obyektlerni zapt etip, Ukraina ordusınıñ areketlerini blok etken edi. Rusiye akimiyeti bu insanlarnıñ Rusiye ordusınıñ arbiyleri olğanını başta inkâr etken edi. Daa soñra Rusiye prezidenti Vladimir Putin bular Rusiye arbiyleri olğanını tanıdı.

2014 senesi martnıñ 16-nda Qırım ve Aqyarda yarımada statusınen bağlı dünyada tanılmağan «referendum» olıp keçti, onıñ neticesinde Rusiye Qırımnı öz terkibine aldı. Ukraina, Avropa Birligi, ABD «referendumdaki» rey neticelerini tanımadı. Rusiye prezidenti Vladimir Putin martnıñ 18-nde Qırımnıñ Rusiyege «qoşulğanını» ilân etti.

Halqara teşkilâtlar, Qırımnıñ işğali ve ilhaqını qanunsız tanıp, Rusiyeniñ areketlerini takbih ettiler. Ğarp devletleri bir sıra iqtisadiy sanktsiyalarnı qullandı. Rusiye, yarımadanı işğal etkenini inkâr etip, buña «tarihiy adaletniñ tiklenmesi», dey. Ukrainanıñ Yuqarı Radası 2014 senesi fevralniñ 20-ni, Rusiye tarafından Qırım ve Aqyarnıñ muvaqqat işğali başlağan künü olaraq resmen ilân etti.

XS
SM
MD
LG