Avropa Birligi Qırımda insan aqları vaziyetiniñ "ciddiy fenalaşmasını" qayd ete. Aynı zamanda halqara teşkilâtlarğa ve uquq qoruyıcılarına alâ daa yarımadağa kirmege izin berilmey. Bunıñ aqqında AB Tış işler nazirliginiñ temsilcisi Peter Stanonıñ beyanatında yazıla.
"Aropa Birligi Qırım platforması sammitinde imzalanğan Ortaq Beyannameniñ ömürge keçirilmesine destegini bir daa tasdıqladı. Er eki taraf telkesizilk vaziyeti ve RF tarafından yarımadanıñ artqan arbiyleştirilmesi ile bağlı fikir paylaştı", - dep yazıla bildirmede.
Qayd etile ki, Avropa Birligi Qırımnıñ Rusiye tarafından qanunsız işğalini tanımay ve iç bir vaqıt tanımaycaq.
Brükselde Qırımnıñ ilhaqınıñ uquqiy aqibetlerine dair Ukraina-AB resmiy olmağan mesleatlaşmalar vaqtında Ukraina delegatsiyası Avroplı temsilcilernen Qırım platformasınıñ inkişafı içün kelecek adımlarnı ve telükesizlik, insan aqları ve AB Qırımğa dair sankitsâlar siyasetini muzakere etti.
