Avropa Birligi memleketleriniñ TİN başları Qırımda, Donbasta ve Rusiye-Ukraina sıñırında Rusiyeniñ arbiy yerleştirilmesi şaraitinde Ukrainağa «açıq bir kollektiv destek işaretini» bildirdiler. Bunıñ aqqında aprelniñ 20-nde Avropa Birligi Tışqı siyaset hızmetiniñ başı Josep Borrell «Nasıl ve ne içün AB Ukrainağa qoltuta» adlı blogunda yazdı, dep haber ete Azatlıq Radiosı.
«Ukraina sıñırında ve qanunsız işğal etilgen Qırımda arbiy yerleştirilme hususan raatsızlandıra. Anda 100 biñden ziyade rus arbiyi toplanğan. G7 ortaqlarımıznen beraber Rusiyeni bu telükeli kerginleşmeni toqtatmağa çağırdıq. Bundan ğayrı Rusiye 2021 senesi oktâbr ayınace arbi talimler keçirilmesi içün Qara deñiz bölgesiniñ bazı qısmılarınıñ qapatılmasını ilân etti, bu ise provakatsion bir adımdır ve BMT deñiz uquqı Şartnamesi köz tutqan serbest gemiler qatnavı aqqını boza», – dep qayd etti Börrel.
Bundan ğayrı o, Ukrainadaki islâatlarnıñ mümligini qayd etti ve pandemiyağa qarşı küreşüvde Kyivge destekni tasdıqladı.
Avropa Birligi Tışqı siyaset hızmetiniñ başı Josep Borrell Rusiyeni Ukraina ile sıñırdan ordusını keri çekmegeçağırdı.
Austriannıñ malümatına köre, halqara seviyede tanılğan Ukraina sıñırı boyunca 2015 senesinden berli «Rusiye on biñlernen askerini yerleştirip, ordusınıñ sayısı arttıra, bölüklerni faalleştirdi, bazalarını yañarttı ve daa küçlü bir yer, ava ve ava mudafaasını yerleştirdi».
Soñki vaqıtları Rusiye Donbasnıñ işğal etilgen qısmında gibrid küçleriniñ cenk areketlerini arttıra. Böylece, ateşkes rejiminiñ şartları bozula, amma Rusiye Ukraina ordusını qabaatlamağa tırışa. Bundan ğayrı, Qırımda ve Ukraina sıñırı yaqınlarında Rusiye askerleriniñ sayısını arttıruv Kyiv ve ğarbiy ortaqlarınıñ qasevetini doğura, çünki Rusiye ordusınıñ Ukrainağa açıq ücüm imkânı bar.
Ukrainanıñ ğarbiy ortaqları (ABD ve AB) ve NATO oña qol tutqanını bildirdi.
Kreml, Rusiye ordusınıñ Rusiyede areket etmesi diger memleketlerni, hususan Ukrainanı qasevetlendirmemeli.
Mart ayında Ukraina silâlı quvetleriniñ baş komandanı Ruslan Homçak bildirdi ki, Rusiye, «Zapad-2021» strategik talimlerine azırlıq manaçığınen Ukrainanıñ şarqiy sıñırlarına taktik gruppalarını çeke. Onıñ qayd etkenine köre, Novorossiysk ve Stavropolden işğal etilgen Qırımğa talimler içün avuştırılğan Rusiye ordusı yarımadada qalmağa devam ete.
Kreml, Rusiye ordusınıñ Rusiyede areket etmesi diger memleketlerni, hususan Ukrainanı qasevetlendirmemeli, dedi.
