Link açıqlığı

Saatnıñ esas haberi

"Açıq kök altında apishanede kibi yaşaymız"


"Vatandaş jurnalistleri müimdir" fotoresimler sergisi
"Vatandaş jurnalistleri müimdir" fotoresimler sergisi

Kyivde apis etilgen Qırımlı zenaatdaşları ve olarnıñ aileleri ile birdemlik bildirip "Vatandaş jurnalistleri müimdir" fotoresimler sergisi açıldı. Sergide 40-tan ziyade foto taqdim etilgen. Fotoresimlerde 12 tevqif etilgen qırımtatar vatandaş jurnalisti ve olarnıñ aileleri. Serginiñ teşkilâtçısı - Avropa jurnalistler federatsiyasınıñ destegi ile Ukraina milliy jurnalistler birligi.

Kyivde "Vatandaş jurnalistleri müimdir" fotoresimler sergisi açıldı.
Kyivde "Vatandaş jurnalistleri müimdir" fotoresimler sergisi açıldı.

Bugünde-bugün olar azatlıkhtan marum etilgen ve SİZO, cezahanelerde ya da ev apsinde bulunalar, ya da Rusiye Federatsiyasında ya da işğal etilgen qırımda "cezalarını çekeler". Söz Amet Suleymanov, Remzi Bekirov, Suleyman (Marlen) Asanov, Seyran Saliyev, Server Mustafayev, Nariman Memedeminov, Ruslan Suleymanov, Osman Arifmemetov, Rustem Şeyhaliyev, Nariman Câlâl, Aleksey Bessarabov Vladislav Yesipenko aqqındadır.

Bizim, tevqif etilgen vatandaş jurnalistleriniñ apayları içün aqaylarımıznıñ işi adiy bir iş ya da adiy zenaat degil, bu missiyadır

Fotoresimler sergisiniñ açılışında tevqif etilgen vatandaş jurnalistleriniñ ömür arqadaşları bar edi. Siyasiy mabüs Seyran Saliyevniñ apayı Mümine Saliyeva böyle dedi: "Rusiyede mustaqil ihtisasiy jurnalistika qıyın künler yaşay. 2014 senesinden başlap Qırım de-fakto Rusiyeniñki olğan soñ aynı aqiqat Qırımda da. 2017 senesi Aqmescitniñ civarlarından birinde tintüvler keçirilgen soñ, vaqia yerinden strim yapqan 10-ğa yaqın faal tutıldı. Ertesi künü bu adamlar mahkemelengende, mahkeme binası yanında yüzlerce adamlar toplaştı, olar destek kösterip telefonlarını alıp strim yapıp başladılar. Bizim, tevqif etilgen vatandaş jurnalistleriniñ apayları içün aqaylarımıznıñ işi adiy bir iş ya da adiy zenaat degil, bu missiyadır. Apishanede bulunıp bile, olar öz işini devam eteler".

Halide Bekirova (sol taraftan), Lilâ Lümanova (sağ taraftan)
Halide Bekirova (sol taraftan), Lilâ Lümanova (sağ taraftan)
Vatandaş jurnalistler peyda oldı, olar tecribesiz olıp, dünyağa işğal etilgen Qırımda yüz bergen vaqialarnı köstermek içün bu müim işni yapıp başladılar

Qırım MC-deki Ukraina prezidentiniñ daimiy temsilcisi Anton Körineviç dedi: "Bugün kerçekten de biz öyle bir vaziyettemiz ki, muvaqqat işğal etilgen Qırımda söz serbestligi mümkün degil. Anda yayında kösterilgen malümat sahte ya da yalan olması içün er şey yapıla. Böyle vaziyette vatandaş jurnalistler peyda oldı, olar tecribesiz olıp, dünyağa işğal etilgen Qırımda yüz bergen vaqialarnı köstermek içün bu müim işni yapıp başladılar".

Qırım MC Ukraina prezidentiniñ daimiy temsilcisi Anton Körineviç
Qırım MC Ukraina prezidentiniñ daimiy temsilcisi Anton Körineviç
Menim balalarım sıq-sıq jurnalist olmağa istegenlerini ve basqılarnı, bugünki yaşayşnı aydınlatmağa istegenlerini aytalar

Siyaisy mabüs Rezmi Bekirovnıñ apayı Halide çıqışta bulunıp, Qırımda vatandaş jurnalistleriniñ balalırı babaları kibi aynı faaliyet ile oğraşmağa tüşüngelerine diqqat etti: "Biz, yaqalanğan vatandaş jurnalistleriniñ qorantaları, açıq kök altında apishanede kibi yaşaymız. Menim balalarım sıq-sıq jurnalist olmağa istegenlerini ve basqılarnı, bugünki yaşayşnı aydınlatmağa istegenlerini aytalar".

Qırımda tevqif etilgen Qırım.Aqiqat frilanseri Vladislav Yesipenko
Qırımda tevqif etilgen Qırım.Aqiqat frilanseri Vladislav Yesipenko

Mabüslerniñ apayları, aqayları azatlıqtan marum etilip, kündelikler yazğanlarını ve olarnıñ bir qısmı haber vastalarında, şu cümleden Qırım.Aqiqat saytında yayınlanğanını ayttılar.

Bloklav ve tsenzurasız haberler! Qırım.Aqiqat qullanımını qurmaq içün iOS ve Android.

Qırımlı jurnalist ve faallerniñ evlerinde keçirilgen tintüvler

2014 senesi baarde Qırımnıñ Rusiye işğalinden soñ yarımadada Rusiye quvetçileri mustaqil jurnalist, vatandaş faalleri, qırımtatar milliy areketiniñ faalleri, Qırımtatar Milliy Meclisiniñ azaları ve Rusiyede yasaqlanğan «Hizb ut-Tahrir» ve «Tebliğ Cemaatı» teşkilâtlarınen alâqaları bar olğanından şübheli sayılğan insanlarnı apiske alıp başladı.

XS
SM
MD
LG