Keriç köprüne qarşı darbe: kemerlerden biri ve maşina yolu yoq etildi (video)
Ukrayina prezidenti Volodımır Zelenskıy Rusiyeni Qırımnen birleştirgen Keriç köprüne ücüm etilgenini tasdıqladı. Onıñ aytqanına köre, Ukrayina Telükesizlik hızmeti ve Ukrayina Silâlı quvetleri Baş ştabınıñ bir qaç afta devam etken operatsiyalarınıñ yedinci etapı oldı. Finalda Ukrayinanıñ "Palânıtsâ" uçucısızları köpürniñ maşina qısmına darbe endirdi, "Neptun" raketaları, "Ruta" ve FP-5 dronları ise demiryolğa ücüm etti. Prezidentniñ aytqanına köre, operatsiyada Ukrayina silâsınıñ diger örnekleri de qullanıldı. Rusiye Tahqiqat komiteti köpür zarar körgenini tasdıqlap, "terror ücümi" davasını açtı. Kremlniñ matbuat kâtibi Dmitriy Peskov köpür ğayrıdan tiklenecek ve "eskisinden daa güzel" olacaq, dep bildirdi. Ukrayina 2022 ve 2023 seneleri Keriç köprüne endi ücüm etken edi. Kyiv Ukrayina telükesizlik hızmetiniñ bağlarını tasdıqlağan edi.