Qara deñiz strategik tedqiqatları institutınıñ tesisçilerinden biri Andriy Klımenkonıñ aytqanına köre, operatsiyanıñ deñiz qısmı artıq dünya cenk tarihına kirdi. İyulniñ 6-nda başlağanından berli Ukrayina Uçucısız sistemaları quvetleri ve Ukrayina telükesizlik hızmeti Azaq ve Qara deñizlerinde Rusiye kölge flotunıñ yüzge yaqın danesine ücüm etti. Tankerler Rusiye bazaları ve terminallarından cermay mallarını çıqarıp olamay.
"Logistik lokdaun" Qırımnıñ energetika sistemasına da tarqala – Ukrayina Uçucısız sistemaları quvetleriniñ malümatına köre, 2026 senesi iyulniñ 1-nden başlap Qırımdaki energetika obyektlerine yüzlernen darbe endirildi. Aynı vaqıtta Rusiye ordusını temin etken qara yollarğa baarde başlağan ücümler devam ete.
Qırımda benzin qıtlığı bar ve elektrik energiyası yetmey. Qırım.Aqiqatnıñ yayınında yarımadadaki keyfler nasıl tarif etile. Ekspertler Ukrayina Mudafaa quvetlerine Rusiye logistika ordusına kütleviy şekilde ücüm etmek içün imkânlar qaydan peyda oldı talil ete? Ne içün Rusiye deñizlerde gemilerini qorçalap olamay? Rusiye Çonğar ve Geniçeskten qara logistikasını nasıl temin etmege tırışa? Rusiye ordusına qarşı kütleviy ücümler Ukrayina cenübinde uruşlarğa nasıl tesir etti?