Halqara uquqta barışıqsever esirlerni qaytarmaq içün bir mehanizm yoq, çünki olarnı esir almaq qanunsızdır. Ne içün qırımlı esirlerni Rusiye esirliginden qaytarmaq alâ daa bu qadar qıyın? Ukrayina nasıl bir yardım bekley? Ve bu meselede musulman memleketleri nasıl bir rol oynay? Bu aqta biz Qırım.Aqiqat Radiosında Qırımtatar Milliy Meclisiniñ reisi Refat Çubarov ve «Ukrayinska prızma» tış siyaset keneşiniñ havfsızlıq studiyası programmasınıñ müdiri Ğanna Şelestnen laf etecekmiz.
«Qırım platforması»: kerçek barışıq ve Kremlniñ qırımlı reinelerini azat etüv |Qırım.Aqiqat Radiosı
Beş yıl içinde Rusiye esirliginden tek eki qırımlı azat etildi: Rusiye havfsızlıq küçleri tarafından casuslıqta qabaatlanıp tutulğan Leniye Umerova ve Rusiye mahkemesi gaz borusında diversiyada qabaatlap, 17 yılğa üküm etken Qırımtatar Milliy Meclisi reisiniñ birinci muavini Nariman Celâl.