Rusiye işğalinden soñ doğğan tuvğan Sudaq şeeri pek deñişti, yaramay tarafqa, dep ayta. 2021 senesine qadar yazda Qırımğa ana-babasını ziyaret etmek ve torunlarınen körüştirmek içün barıp kele edi. Evde siyasiy mevzularnı kötermek ve Rusiye televideniyesini baqmağa bermey edi. Natalya Kyivde oqudı, mında da qaldı. Qızınıñ ağır hastalığı aqqında bilgen soñ iç bir devlet müessisesi onıñ tasilini temin etip olamaycağını añladı. Şunıñ içün Natalya Ukrayına paytahtında inkişaf hususiyetleri olğan balalar içün mektep açtı. Şimdi anda 8 talebe oquy.