Link açıqlığı

Saatnıñ esas haberi

Seferberlik ilân etilgen soñ Rusiyeden Qazahistanğa 400 biñ rusiyeli ketti


Sentâbrniñ 21-nde Rusiyede ilân etilgen seferberlikten soñ 400 biñden çoq rusiyeli Qazahistanğa keldi. Bu aqta «İnterfaks» Qazahistan emek ve içtimaiy qoruv naziri Tamara Duysenovanıñ malümatına esaslanıp bildire.

«Er kün alğan operativ malümatımızğa köre, 400 biñden çoq rusiyeli keldi, 320 biñden çoq ketti ve tahminen 100 biñ rusiyeli mında buluna», – dep bildire aytqanlarını agentlik.

Oktâbrniñ 4-nde berilgen malümatqa köre, Qazahistanğa sentâbrniñ 21-nden başlap 200 biñden çoq rusiyeli keldi, 147 bin kişi ketti. Bu malümatnı Qazahistan İç işler nazirligi berdi. Noyabrniñ başında memleketniñ baş naziri Alihan Smailov Qazahistanğa kirgen rusiyelilerniñ sayısı normağa qayttı, dep bildirdi. Memurnıñ aytqanına köre, oktâbrge köre, rusiyelilerniñ sayısı 65% eksildi, er kün memleketke sentâbrge köre 1,6 biñ az kişi kele edi.

Qazahistannıñ Milliy bankı malümatına köre, RBK esaslanğan malümatqa köre, 2022 senesi oktâbr ayında Rusiyeden Qazahistanğa para yollav sistemalarınıñ yardımınen 5,6 milliard ruble ketti. Bu keçken seneniñ oktâbr ayına köre 13 qat ziyadedir.

Sentâbrniñ 21-nde Rusiye prezidenti Vladimir Putin Ukrayınadaki cenkke «qısmiy» seferberlik ilân etti, biñlernen er adamı memleketten qaçtı. Rusiyeliler ketken memleketlerden biri Qazahistan oldı. Eñ çoq Ruste ile sıñırdaki regionlarğa barğanlar oldı: Ğarbiy-Qazahistan, Aktobe, Kostanay, Pavlodar, Şimaliy-Qazahistan, Şarqiy-Qazahistan, Atırau vilâyetleri, Astana ve Almatığa.

Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.

XS
SM
MD
LG