Latvaniyanıñ konsullıqları Rusiye vatandaşlarına milliy ve şengen vizalarınıñ berilüvini belli olmağan bir müddetke toqtattı. Bu malümat Latviyanıñ Moskva elçihanesiniñ saytında derc etildi. Qayd etilgenine köre, elçihane «halqara vaziyet sebebinden» rusiyelilerden viza arizalarını artıq almay.
Tek Latviyada yaqın soynıñ cenazesi istisna ola bile.
Avgustnıñ 1-nde Latviya sıñırdaki rayonlarda yaşağan Rusiye vatandaşlarına Rusiye ile sıñırdan qolaylaştırılğan keçüv añlaşmasını toqtattı. Riga Rusiye Latviyanıñ Pskov konsullığını qapattı, dep bildirdi. O, rusiyelilerge sıñırdan keçüv iznini bergen yekâne diplomatik temsilcilik edi. Añlaşma 2010 senesinden berli bar edi.
Qomşu Estoniya iyülniñ 28-nde Rusiye ve Beyazrusiye vatandaşlarına viza ve oturuv iznini bermeycek, dep ilân etti.
Avropa Birliginiñ çoqusı memleketi rusiyelilerge turistik vizalarnı bere, lâkin turistlerniñ sayısı eksildi. AB ve Rusiye memleketleri arasında uçaq seferleri yoq – olar Ukrayınada büyük cenk başlağan ilk künden toqtatıldı.
Rusiye fevralniñ 24-nde Ukrayinağa büyük istilâ etti, amma istegenini alamadı, hususan ukrainalılarnıñ tirenüvi sebebinden Kyivni zapt etemedi.
Aprelniñ 22-nde Rusiye Ukrayinadaki «mahsus operatsiyanıñ» (anda büyük istilânı böyle adlandıralar) «ekinci fazası» vaqtında yañı planlar aqqında bildirdi. Rusiye arbiyleri işğal etilgen Qırımğa qara ayatını temin etmek ve Pridnestrovyege çıqmaq içün Donbas ve cenübiy Ukrayinanı kontrol altına almağa niyetlene.
Faqat, ğarbiy istihbaratnıñ malümatına köre, Donbasta Rusiye muvafaqiyetli sıñırlı ve Ukrayinanıñ küçlü tirenüvi sebebinden Rusiye ordusınıñ ğayıpları büyük.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
