Link açıqlığı

Saatnıñ esas haberi

Qırımlı advokat Edem Semedlâyevge Rusiye ordusını «itibardan tüşürgeni» içün 75 biñ ruble para cezası berildi 


Edem Semedlâyev
Edem Semedlâyev

Mayısnıñ 26-nda tutulğan qırımlı advokat Edem Semedlâyev Qırımda Rusiye Federatsiyası ordusınıñ Ukrainada yapqanlarını «itibardan tüşürgeni» içün 75 biñ ruble para cezasını aldı. Facebook içtimaiy ağınıñ başqa bir qullanıcısı Rusiye Federatsiyasınıñ Ukrainada yapqanlarına dair paylaşuvında Semedlâyevni qayd etken. Bu aqta«Qırım birdemligi» bildire.

«Men bunı yazmadım, paylamadım, bir insan meni qayd etti. Bunı körgende birden sildim. Hadimler bunı qayd etip, skrinşot yapqanlar. İmayecilerim çoq delil kösterdi, amma mahkeme buña qulaq asmadı», – dedi Semedlâyev.

Berilgen malümatqa köre, Aqmescitteki Rusiye mahkemesiniñ binası ögünde Rusiye uquq qoruyıcıları Semedlâyevniñ advokatı Nazim Şeyhmambetovnı tuttı. Hadimlerniñ areketleri nenen bağlı kimse añlatmadı.

Rusiyeniñ Ekstremizm ile küreş merkeziniñ hadimleri Ruslan Şambazov ve Konstantin Urazov Aqmescitte advokat Edem Semedlâyevni tuttı. Rusiye uquq qoruyıcıları bu aqta açıq bir malümat bermedi.

Aqmescitte Rusiye uquq qoruyıcıları tarafından tutulğan qırımlı advokat Edem Semedlâyev Rusiye ordusını «itibardan tüşürgeninde» qabaatlandı. Facebook içtimaiy ağınıñ başqa bir qullanıcısı Rusiye Federatsiyasınıñ Ukrainada yapqanlarına dair paylaşuvında Semedlâyevni qayd etken eken.

2021 senesi advokat Edem Semedlâyev Ekstremizm ile küreş merkeziniñ bölük yolbaşçısı Ruslan Şambazovnıñ talabına riayet etmeyip, ses qaydını toqtatmağanı ve ekstremist tatuları barmı-yoqmı teşkermek içün urbasını çıqarmaq talabına razı olmağanı içün Aqmescitteki Rusiye mahkemesi tarafından Rusiye Federatsiyasınıñ Memuriy bozuvlar kodeksiniñ 19.3 maddesine istinaden 12 künge apiske alındı ve 4 biñ ruble para cezasını aldı.

ABD OSCE missiyası Qırımdaki mustaqil advokatlarğa qarşı taqip siyasetini toqtatmağa çağırdı. Semedlâyevniñ apiske alınuvı Büyük Britaniya Ukraina elçihanesi ve Çeh Cumhuriyetiniñ elçihanesi takbih ettiler. Ukraina Tış işler nazirligi Edem Semedlâyevniñ apiske alınğanını «iş aqlarınıñ bozuluvı» ve «basqı» dep adlandırdı.

Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.

XS
SM
MD
LG