Link açıqlığı

Saatnıñ esas haberi

Advokat Edem Semedlâyevge qarşı Rusiye ordusını «itibardan tüşürüv» sebebinden protokol tizildi – faaller


Edem Semedlâyev
Edem Semedlâyev

Aqmescitte Rusiye uquq qoruyıcıları tarafından tutulğan qırımlı advokat Edem Semedlâyev Rusiye ordusını «itibardan tüşürgeninde» qabaatlandı. Facebook içtimaiy ağınıñ başqa bir qullanıcısı Rusiye Federatsiyasınıñ Ukrainada yapqanlarına dair paylaşuvında Semedlâyevni qayd etken eken. Bu aqta «Qırım birdemligi» cemaat birleşmesihaber ete.

«Edem Semedlâyev aprelniñ 16-nda Rusiye Federatsiyası arbiy quvetleriniñ areketleri aqqında yazğan Rafis Kaşapovnıñ paylaşqanlarını Facebookta qoyğanında qabaatlana. «E» merkeziniñ hadimleri bu sözlerde Rusiye Federatsiyası Memuriy bozuv kodeksiniñ 20.3.2 maddesiniñ 2-nci qısmına istinaden RF silâlı quvetlerini itibardan tüşürüvni kördi», – dep aytıla haberde.

Rusiyeniñ Ekstremizm ile küreş merkeziniñ hadimleri Ruslan Şambazov ve Konstantin Urazov Aqmescitte advokat Edem Semedlâyevni tuttı. Rusiye uquq qoruyıcıları bu aqta açıq bir malümat bermedi.

2021 senesi advokat Edem Semedlâyev Ekstremizm ile küreş merkeziniñ bölük yolbaşçısı Ruslan Şambazovnıñ talabına riayet etmeyip, ses qaydını toqtatmağanı ve ekstremist tatuları barmı-yoqmı teşkermek içün urbasını çıqarmaq talabına razı olmağanı içün Aqmescitteki Rusiye mahkemesi tarafından Rusiye Federatsiyasınıñ Memuriy bozuvlar kodeksiniñ 19.3 maddesine istinaden 12 künge apiske alındı ve 4 biñ ruble para cezasını aldı.

ABD OSCE missiyası Qırımdaki mustaqil advokatlarğa qarşı taqip siyasetini toqtatmağa çağırdı. Semedlâyevniñ apiske alınuvı Büyük Britaniya Ukraina elçihanesi ve Çeh Cumhuriyetiniñ elçihanesi takbih ettiler. Ukraina Tış işler nazirligi Edem Semedlâyevniñ apiske alınğanını «iş aqlarınıñ bozuluvı» ve «basqı» dep adlandırdı.

Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.

XS
SM
MD
LG