Link açıqlığı

Saatnıñ esas haberi

Advokat Edem Semedlâyev – Sohiba Burhanovanı sürgün etüv aqqında (video)


Advokat Edem Semedlâyev – Sohiba Burhanovanı sürgün etüv aqqında (video)
Bekleñiz, lütfen

No media source currently available

0:00 0:03:38 0:00

Mayısnıñ 28-nde Rusiye kontrolindeki Qırım Yuqarı mahkemesi Qırımda mayısnıñ başında FSB keçirgen tintüv vaqtında öldürilgen Özbekistan vatandaşı Nabi (Ayub) Rahimovnıñ ömür arqadaşı Sohiba Burhanovanı Özbekistanğa zorlap sürgün etüv qararını deñiştirmedi. Aqmescitte Sohiba Burhanovanı zorlap çıqaruv qararına qarşı istinaf şikâyetinen bağlı mahkemeni polis sarıp aldı. Oturışuvğa advokattan ğayrı kimse alınmadı. «Qarar pek büyük, onı talil etip qarar alacaqmız, şikâyet etecekmizmi-yoqmı», – dep ayttı advokat «Qırım birdemligine». Avropa insan aqları mahkemesi, mahkeme reglamentiniñ 39-ıncı qaidesine köre, Qırımda tintüv vaqtında öldürilgen Özbekistan vatandaşı Nabi Rahimovnıñ ömür arqadaşı Özbekistan vatandaşı Sohiba Burhanovanen bağlı qarar çıqardı. «Qararnıñ yerine ketirilmesi içün Avropa mahkemesiniñ belli mehanizmleri bar, dep tüşünem. Bu daa bir teşkerüv, Rusiye Federatsiyası öz isteginen alğan mecburiyetlerni yerine ketirmege azırmı körecekmiz», – dep ayttı advokat Edem Semedlâyev. Saba mahkeme Burhanovanıñ imayesi bergen muracaatnı qanaatlendirmeyip, onıñ Krasnodar ülkesinden video konferentsiya vastasınen mahkeme oturışuvında iştirak etmesine izin bermedi. Qadın Çetel vatandaşlarını vaqtınca tutuv merkezinde buluna.

XS
SM
MD
LG