Evge ketken yol. Nariman Memedeminov Qırımğa qayttı (video)

Bağçasaray rayonınıñ Zalanköy (Holmovka) köyünde cemaat jurnalisti, qırımlı bloger, «Qırım birdemligi» cemaat birleşmesiniñ media koordinatorı Nariman Memedeminovnı qarşıladılar. Narimannı qorantası ve yaqın dostları, Qırımnıñ çeşit köşelerinden kelgen insanlar qarşıladı. O, oña eki buçuq yıl devamında qol tutqan er keske teşekkürler bildirdi. Nariman Memedeminov sentâbrniñ 21-nde Rostov vilâyetindeki Rusiye yaşav tarzı koloniyasından azatlıqqa çıqtı. 2019 senesi oktâbr ayında Rusiye mahkemesi Nariman Memedeminovnı «İnternet ağı vastasınen terror faaliyetini kerçekleştirmege açıq şekilde çağırğanında» qabaatlap, eki buçuq yıl yaşav tarzı koloniyasında qalmasına üküm etti. Mabüs qabaatını tanımadı. «Memorial» Rusiye aq qorçalayıcı merkezi 2018 senesi onı siyasiy mabüs dep tanıdı.