Koronavirus: yalan ve propaganda | StopFake News (video)

SARS-CoV-2 koronavirus pandemiyası informatsion cenkte nasıl qullanıla? Rusiyeniñ Kremlge qoltutqan kütleviy haber vastaları yañı virus aqqında nasıl yalanlar ayta? Tek koronavirustan degil, onıñnen bağlı yalan haberlerden nasıl qorunmaq mümkün? StopFake jurnalistleri bu ve diger suallerniñ cevaplarını qıdırdı. StopFake – 2014 senesi Ukraina jurnalistleri tarafından qurulğan bir leyha. Onıñ maqsadı – kütleviy haber vastalarında tarqalğan Ukrainağa qarşı propaganda ve yalan haberlerniñ teşkerilüvi ve red etilüvidir. StopFake News programmasınıñ rus tilli yayınları teşkilâtnıñ saytında cumaertesi künü, salı künleri ise Qırım.Aqiqatnıñ saytında ve YouTube kanalında kösterile. (Video blogunda bildirilgen fikirler müellifniñ noqta-i nazarını aks ettirip, muarririyetniñ baqışlarınen aynı olmaması mümkün)