Ayaqlarıma urıp, elektroşoker qullandılar: Server Rasilçaknıñ ikâyesi (video)

17 yaşında mektep talebesi Server Rasilçak yanvarniñ 28-nde Qırımnıñ Rusiye politsiyası tarafından babası, dostu ve onıñ qız arqadaşınen beraber tutuldı. Rasilçaknıñ aytqanına köre, Saq politsiya bölüginde adiy urbada olğan üç hadim onı bir saat devamında qırçmada tuttı, urdı ve elektroşokernen eziyetlediler. Serverniñ aytqanına köre, Saq yolunıñ maşina yuvucılarından birinde hırsızlıq oldı. Politsiya hadimleri Server, babası ve dostlarından şübhelene. Mektep talebesi hadimlerden birinen nasıl laf etkenini hatırlay: «Nasıl laf etecegimizni soradı: insan ya da ayvan kibi? – Men deyim: insan kibi. – Kene ayta, tarif et. – Men oturıp, ne aytacağımnı añlamayım. Qayda oquğanımnımı? Bir şey demedim, o, birinci kere mında (sol ayağını köstere – QA) elektroşokernen urdı. Daa beş daqqa tüşünmege teklif etti». Soñra Server Aqşeyh politsiya bölügine ariza berip, Saq zenaatdaşlarınıñ yapqanlarını şikâyet etti. Bu ikâye aqqında tafsilâtlıca videomızda seyir etiñiz.