Yaltadan sorav: qırımlılar Qıtaydan kelgen koronavirustan qorqamı? (video)
Qıtayda çıqqan yañı koronavirusnıñ tez tarqalması qırımlılarnı bayağı raatsızladı. İçtimaiy ağlarda qırımlılar fikirlerini bildire ve çirkin şaqalar ayta. Qırım.Aqiqat, şeer sakinleri Qıtaydan kelgen koronavirustan qorqamı dep soramaq içün Yalta soqaqlarına çıqtı. Profilaktika içün ne yapalar? Hatırlatamız, 2019-nCoV olaraq belli virus koronavirusnıñ yañı çeşiti ola, bundan evel insanlarda olmağan edi. Virus sebebinden Qıtay akimiyeti 41 million ealili 13 şeerni karantinge qapattı. Faqat yañı virus dünya boyunca tarqala. (Qırım.Aqiqatnıñ soravı içtimaiy tedqiqat olmayıp, iştirak etken insanlarnıñ şahsiy fikirlerini aydınlata).