Amina Okuyeva kim edi: öldürüvden evelki intervyü (video)

Ukraina İç işler naziri Arsen Avakov bir qaç öldürüvden şübheli sayılğan «nişancılar gruppası» yaqalandı, dep bildirdi. Yaqalanğanlar Donbastaki cenk iştirakçisi, qadın faal ve cemaat erbabı Amina Okuyevanı öldürgeninden de şübheli sayıla. Okuyeva 2017 senesi oktâbrniñ 30-nda Kyiv vilâyetinde aqayı Adam Osmayevnen beraber ketken maşinağa açılğan ateş vaqtında elâk oldı. Osmayev Rusiyede prezident Vladimir Putinge suiqast etkeninde qabaatlana. O, ücüm vaqtında yaralandı, Okuyeva can berdi. Osmayev, apayınıñ öldürilüvinde «Rusiye izi» bar, dep tahmin etken edi. Avakovnıñ yazğanına köre, 2017 senesi cinayet yerinde silâ qaldırılğan edi. Üstünde qalğan DNA izleri ücüm etkenlerniñ şahsiyetlerini bilmege yardım etken eken. 2014 senesi Okuyevanıñ Azatlıq Radiosına bergen intervyüsında o, Donbastaki hızmet, Euromaydanda iştirak etüv ve Rusiyege olğan munasebeti aqqında tarif etti.