Link açıqlığı

Saatnıñ esas haberi

Justin Trudeau: «Ukraina uçağını İran raketası tüşürdi» (video)


Justin Trudeau: «Ukraina uçağını İran raketası tüşürdi» (video)
Bekleñiz, lütfen

No media source currently available

0:00 0:00:52 0:00

Kanada baş naziri Justin Trudeaunıñ bildirgenine köre, elde etken malümatları uçaqnı İrannıñ «yer-ava» sınıflı raketası tüşürgenini köstere. Onıñ qayd etkenine köre, «bunı yañlışlıqnen yapmaları mümkün edi». «Bu yañı malümat qazanıñ tafsilâtlı tahqiqat ihtiyacını quvetleştire. Kanada, bu büyük qazanıñ sebeplerini bilmek içün teren ve kerçek tahqiqatnı temin etmek maqsadınen ittifaqdaşlarınen çalışa», – dedi Trudeau. «Ukraina halqara ava yolları» ava şirketiniñ PS752 seferli Boeing 737-800NG uçağı yanvarniñ 8-nde saba Tehrandan Kyivge yol alıp, İran paytahtınıñ halqara ava limanından çıqıp tüşti. 176 insan elâk oldı, 167-si yolcu ve 9 ekipaj azası edi. Elâk olğanlar arasında – 11 Ukraina vatandaşı (ekipaj azaları ve 2 yolcu). Ukraina Tış işler naziri Vadım Prıstayko, İrannen Ukraina uçağınıñ qazasını tahqiq etüv ve onıñ sebeplerini ögrenüvde eki memleketniñ tahqiqat gruppalarınıñ koordinatsiyası aqqında añlaştı, dep bildirdi.

XS
SM
MD
LG