Oleg Sentsov, «Qırım inciri» yarışınıñ mukâfatlarını «Hizb ut-Tahrir davalarınıñ» eki mabüsine berdi (video)

Aqmescitteki ekinci «Hizb ut-Tahrir davasınıñ» mabüsi Osman Arifmemetov ve Bağçasaraydaki ekinci «Hizb ut-Tahrir davasınıñ» mabüsi Server Mustafayev «Qırım inciri» ekinci edebiyat yarışı çerçivesinde «Söz serbestligi» mahsus nominatsiyasında mukâfatlarını ğıyabiy şekilde aldı. Mukâfatlar berilgenini Rusiye apishanesinden azat etilgen qırımlı ukrain rejissöri Oleg Sentsov ilân etti. «Yazğanlarına, teslim olmağanlarına, bizge söznen qoltutqanlarına pek quvanam. Bizler ise mından (qoltutamız – QA)», – dedi Sentsov. Kyivde Ukraina radiosınıñ Ses qaydı evinde dekabrniñ 13-nde «Qırım inciri» ekinci edebiyat yarışınıñ ğalipleri aynı adı olğan ukrain-qırımtatar edebiyat festivali çerçivesinde belli oldı.