Oleg Sentsov Saharov mukâfatını aldı (video)

Qırımlı ukrain rejissöri Oleg Sentsovğa Strasburgdaki Avropa parlamentinde Saharov mukâfatı berildi. Mukâfat «dünyada insan aqları oğrunda küreşke isse qoşqan» insanlarğa berile. Oleg Sentsov çıqışta bulunıp, Avropa parlamentiniñ deputatlarını «Putinge inanmamağa» ve olar «Putinge dost qolunı uzatmağa istegende işkencege oğrağan qırımtatarlar» aqqında hatırlamağa çağırdı.