Zelenskıy, Rusiye zapt etken ukrain gemilerini qarşıladı (video)

Noyabrniñ 21-nde gece Ukraina prezidenti Volodımır Zelenskıy bıltır küzde Rusiye zapt etken gemilerni qarşılamaq içün Mıkolayıv vilâyetiniñ Oçakiv şeerine keldi. «Berdânsk» ve «Nikopol» arbiy gemilerini ve «Yañı Qapu» buksirini Oçakiv limanına ketirdiler. Gemilerni olarnıñ ekipajları, 2019 senesi sentâbr ayında Rusiye esirliginden azat etilgenler bekley edi. Ukraina Silâlı quvetleri Arbiy-deñiz quvetleriniñ komandanı İgor Voronçenkonıñ aytqanına köre, zapt etilgen gemilerde bazı bağ vastaları ve navigatsiya donatmaları bozuldı. (Video: Ukraina Prezident ofisiniñ yayını)