«Boş hayallar qurmayım» – Memedeminov Rusiye mahkemesinde (video)

Rostov-na-Donu Cenübiy okrugının arbiy mahkemesi çarşenbe künü, oktâbrniñ 2-nde, terrorizmge açıq çağırğanında qabaatlanğan vatandaş jurnalisti, qırımlı bloger Nariman Memedeminovnıñ ükmüni çıqaracaq. «Nariman özüni pek yahşı kösterdi. Soñki sözüni yahşı ayttı, qadı içün ağır olğan sözler olğandır, amma mahkeme lafını bölmedi. Yarın (oktâbrniñ 2-nde) saba saat 9:30-da Narimannıñ aytqanları mahkemege ne qadar tesir etkenini ükümde körecekmiz. Alı bir qarar, boş hayal qurmay. Ne yazıq ki, Rusiye mahkemelerinde pek az mücize ola. Soñki davalarda bu pek yahşı körüne, daa beter sıqalar», – dep ayttı advokat Edem Semedlâyev Qırım.Aqiqatqa. Oktâbrniñ 1-nde Memedeminov soñki sözüni aytıp, Rusiyedeki mahkeme ve uquqnı «şablon» dep adlandırdı ve jurnalistlerni Qırımdaki vaziyetten ve yarımada sakinleriniñ mahkemelerinden haberdar tutmasına çağırdı. (Video: Qırım birdemligi)