Qırımda sorav: çetelge barasızmı ve qaysı pasportnen? (video)
Ukraina Devlet Migratsion hızmetine köre, 166 biñden çoq qırımlı, ukrain çetel pasportını Qırım ilhaqından soñ aldı. Vesiqalarnıñ çoqusı memuriy sıñırnıñ yanında berilgen edi - Herson vilâyetinde. Qırım.Aqiqat, Aqyar sakinleri arasında bir sorav yaptı: olarğa çetelge baralarmı ve barsalar, qaysı pasportnı qullanalar. 2014 senesi martnıñ 16-nda Qırım ve Aqyarda yarımada statusınen bağlı dünyada tanılmağan «referendum» olıp keçti, onıñ neticesinde Rusiye Qırımnı öz terkibine aldı. Ukraina, Avropa Birligi, ABD «referendumdaki» rey neticelerini tanımadı. Rusiye prezidenti Vladimir Putin martnıñ 18-nde Qırımnıñ Rusiyege «qoşulğanını» ilân etti.