Qırallar qorantasında yañı aza: Garri şahzade ilk sefer baba oldı (video)

Britaniya qıralları qorantasında yañı aile azası - Megan Markl ve Garri şahzadeniñ oğlu doğdı. Oğlançıq mayıs 6-sında aqşam dünyağa keldi. Megan Marklnıñ yüklüligi aqqında 2018 senesi oktâbr soñunda belli oldı. Soñki eki ay devamında Garriniñ tonğuçı aqqında haber olmadı, bunıñ içün çoq öşekler ve emiş-demişler peyda olğan edi. Amma raatsızlanmaq içün sebep yoq: Garriniñ aytqanına köre, bala ve onıñ anası özüni yahşı duya. Oğlançıqnıñ adını daa qoymadılar, Garri, eki künden evlâdını dünyağa köstermege söz berdi.