Qazahistan parlamenti martnıñ 20-nde Anayasa tüzetüvine qoltuttı. Devletniñ paytahtı Astana Nursultanğa deñiştirilecek. Vesiqanı prezident imzalamalı. Martnıñ 20-nde bu vazifede Kasım-Jomart Tokayev işke başladı.
Tokayev ant etip, Qazahistan paytahtı Nursultan adını taşımalı, prezident vazifesinden ayırılğan Nursultan Nazarbayev ise «yekâne ve ömürlik» milliy lider olıp qalacaq, dep bildirdi.
Tokayev 78 yaşında Nazarbayevniñ şerefine abide tiklemege, Qazahistan şeerleriniñ merkeziy soqaqlarına birinci prezidentniñ adını bermege teklif etti.
Qazahistan prezidenti Nursultan Nazarbayev martnıñ 19-nda istifağa çıqqanını bildirdi. O, vazifesinden ketkenini milletke muracaat etip ilân etti. O, ömür boyu Qazahistan Havfsızlıq şurasınıñ reisi ve «Nur-Otan» ükümran firqasınıñ reisi olacaq.
Nursultan Nazarbayev 1990 senesi aprel ayından berli Qazahistannıñ prezidenti edi. 2015 senesi aprel ayında o, nevbetten tış saylavlarda beşinci kere prezident olaraq saylanğan edi. O, saylayıcılar reyleriniñ 97,75%-nı qazandı.
