Bütün esnaslar aynı oldı – advokat Ukraina deñizcileriniñ mahkemeleri aqqında (video)

«Zenaatdaşlarımnıñ fikirince, bu mahkeme böyle davalarnı baqamaz, men şahsen çekilmesini istegen edim» – qırımlı advokat Edem Semedlâyev Ukraina askerleriniñ mahkemelerini izaatladı. Advokat Ayder Azamatovnıñ aytqanına köre, Aqmescitteki Rusiye mahkemesi tarafından apiske alınğan Ukraina arbiy deñizcileri 6 yılğa azatlıqtan marum qalması mümkün. Daa evel haber etilgeni kibi, mahkeme 3-ünci rang kapitanı Volodımır Lısovıy, Ukraina telükesizlik hızmetiniñ hadimi Andriy Draç, miçman Andriy Şevçenko, üyken deñizci Vyaçeslav Zinçenko, «Nikopol» kateriniñ komandanı, Aqyardaki Nahimov Arbiy deñiz quvetleri Akademiyasınıñ sabıq kursantı Bogdan Nebılitsa, 2-nci rang kapitanı, «Berdânsk» kateriniñ ekipaj azası Denis Gritsenkonı 2019 senesi yanvarniñ 25-ne qadar apiske aldı. Noyabrniñ 27-nde Kreml kontrolindeki Aqmescitniñ Kiyev rayon mahkemesi tutılğan 24 Ukraina askerinden 12-sini tevqif etti. Andriy Oprısko, Sergiy Tsıbizov, Yuriy Budzılo, Volodımır Tereşçenko, Viktor Bespalçenko, Volodımır Varimez, Mıhaylo Vlasük, Bogdan Golovaş, Sergiy Çulıba, Volodımır Kostışın, Sergiy Popov ve Roman Mokrük apiske alındı. Bundan ğayrı, Keriç mahkemesi daa üç ukrainalı – Andriy Artemenko, Andrey Eyder ve Vasıl Sorokanı – tevqif etti.