«Ana-babalar balalarınıñ cenazesini körmesin». Aqköz köyünde Keriçte elâk olğan gençnen vedalaştılar (video)
Qırımnıñ Aqköz (Gornostayevka) köyünde Keriçteki ücümde elâk olğanlardan biri, musulman Ruden Curayevniñ cenazesi qılındı. Elâk olğan genç 16 yaşında edi. Yerli imam Münir Abhairovnıñ aytqanına köre, «oğlançıq tek 16 yaşında edi, ayatında daa bir şey körip yetiştirmedi. Köyde onı pek seveler, köyde er kesnen eyi munasebeti bar edi». Onıñ aytqanına köre, Aqközli daa 5 talebe Keriç politehnik oquv yurtunda açılğan ateşte yaralandı, biri ağır alda. Keriç politehnik köllecinde elâk olğanlarnen şeerniñ merkeziy meydanında vedalaşqan soñ naaşlar şeer mezarlığına ketirgenler.