Link açıqlığı

Saatnıñ esas haberi

Açlıq tutqan Oleg Sentsov hastahanege alındı – Rusiyeniñ cezalarnı yerine ketirüv federal hızmeti


Rusiye apishanede açlıq tutqan Oleg Sentsov, Labıtnangi, 2018 senesi avgustnıñ 9-ı
Rusiye apishanede açlıq tutqan Oleg Sentsov, Labıtnangi, 2018 senesi avgustnıñ 9-ı

Rusiyede mahküm etilgen ukrain rejissöri Oleg Sentsov koloniyadan «planlaştırılğan teşkerüv içün» şeer hastahanesine alındı, dep bildire Yamalo-Nenets muhtar okrugındaki Rusiyeniñ cezalarnı yerine ketirüv federal hızmetiniñ matbuat hızmeti.

«Planlaştırılğan teşkerüv sebebinden 28.09.2018 mabüs Oleg Sentsov Labıtnangi şeer hastahanesine alıp ketirildi, anda qoşma teşkerüvi yapıldı ve onı ekimler baqtı», – dep aytıla haberde.

Bu malümatqa köre, keçirilgen teşkerüv neticesinde Sentsovnıñ «tedaviylev planı tüzetildi».

Sentsovnıñ advokatı Dmitriy Dinze bunı şimdilik izaatlamadı.

Qırım.Aqiqat tafsilâtlı malumat almağa tırışa.

Bundan evel haber etilgeni kibi, Rusiye prezidenti yanındaki vatandaş cemiyetiniñ inkişafı ve insan aqları şurasınıñ reisi Mihail Fedotov Ukraina ombudsmeni Lüdmila Denisovağa mektüp yollap, açlıq tutqan ukrain rejissöri Oleg Sentsovnıñ «stabil» alı aqqında bildirdi.

Sentsovnıñ eki doğmuş qardaşı Natalya Kaplan rejissörniñ alı ket-kete fenalaşa, dep bildirgen edi Qırım.Aqiqatqa. Onıñ aytqanına köre, Sentsovnıñ qan sisteması «müim müçelerge oksigen taşımasını yapamay». Sentsovnıñ advokatı Dmitriy Dinzeniñ bildirgenine köre, açlıq tutqan rejissör töşekten zornen tura. Onıñ aytqanına köre, ukrainalınıñ sağlığına «büyük zarar ketirildi».

Oleg Sentsov mayısnıñ 14-nde Rusiye apishanelerinde yatqan bütün ukrainalı siyasiy mabüslerniñ azat etilmesi talabınen muddetsiz açlıq ilan etken edi.

Sentsovğa oksigen yetmey: yüregi ve miyi zarar köre – Kaplan (video)
Bekleñiz, lütfen

No media source currently available

0:00 0:01:35 0:00

Sentsov ve Aleksandr Kolçenko Rusiye mahsus hizmetleriniñ vekilleri tarafından Qırımda 2014 senesi mayıs ayında, yarımadada terroristik aktlar azırlağanlarında qabaatlanıp tutulğan ediler. 2015 senesi avgust ayında Rostov-na-Donu şeerindeki Şimaliy Kavkaz okrugınıñ arbiy mahkemesi Sentsovnı, Qırım territoriyasındaki terroristik faaliyette qabaatlap, 20 yıllıq şiddetli rejim koloniyasına qalmağa mahküm etti. Kolçenkoğa 10 yıl koloniya cezası berildi. Ekisi de qabaatlarını tanımay.

«Memorial» insan aqlarını qorçalav merkezi Sentsov ve Kolçenkonı siyasiy mabüsler cedveline kirsetti. Rusiyede mahküm etilgen Oleg Sentsovnı qurtarmaq çağıruvı ile petitsiya Beyaz Saraynıñ saytında 100 biñden ziyade insan tarafından imzalandı.

XS
SM
MD
LG