Sentâbrniñ 20-si cumaaqşamı künü Rusiye Devlet duması üçünci nihaiy oquvında devlet içinde, mehkeme yañlış ve “qaralayıcı” dep tanığan malümatnı silip taşlamağa ya da red etmege inkâr etüv içün cinayi mesuliyet kirsetilüvine qol tuttı.
Azatlıq Radiosınıñ rus bölügi haber etkenine köre, mahkeme qararını yerine ketirmege red etkenler 200 biñ ruble memuriy cöreme töleycek.
Tabir caiz ise, “inatlıq etkenler” – tevqif vastasınen cinaiy mesuliyetke, mecburiy iş yapuv ya da bir yıllıq apis cezası belgilenüv şeklinde cezlanacaq.
Aprel ayında Rusiye Devlet duması nihaiy oquvında mahkeme pristavlarına“vatandaşnıñ ğururı ve menligi ya da iş itibarını qaralağan” malümatnı silmege red etüvge dair internet resurslarına kirişni blok etmege ruhset bergen qanunnı qabul etken edi.
