Link açıqlığı

Saatnıñ esas haberi

Qırım memuriy sıñırında qırımtatar tutuldı - faal


Avgustnıñ 27, bazarertesi künü, qararnen saba saat 4-te, Rusiye FSB-niñ Sıñır hızmeti Qırım memuriy sıñırını keçken 1994 senesi doğğan qırımtatar Reşat Medinovnı tutıp aldı. Bu aqta Facebookta qırımtatar faali Nariman Celâl haber etmekte.

Onıñ sözlerine köre, o Ukrainanıñ qıta qısmına kete eken.

Qırım.Aqiqat adiseniñ inceliklerini soraştırıp bilmege tırışa.

Avgustnıñ 25-nde saba Rusiye telükesizlik hadimleri apayı ve üç balasınen Ukrainanıñ qıta qısmına qaytqan Kyiv sakini qırımtatar Server Devletşayevni Qırımdan çıqqan arada tutıp aldı. Tutılıp alınuv sebepleri belli degil. Rusiye telükesizlik organları bu malümatnı izaatlamay. Daa soñra o qoyıp yiberildi.

Qırım Rusiye tarafından ilhaq etilgen soñ, 2014 senesi Ukrainanıñ qıta qısmınen yarımada arasında memuriy, amma aslında kerçek bir «sıñır» peyda oldı. Memuriy sıñırda «Kalançak», «Çaplınka» ve «Çonğar» olaraq üç kiriş-çıqış noqtası çalışıp başladı.

XS
SM
MD
LG