Qırımtatar Qurultayı merkeziy saylâv komissiyası reisiniñ muavini Nazim Memetov qomşusınıñ “yalan haberi” neticesindeQurman (Krasnıgvardeyskoye) rayonınıñ Rusiye Tahqiqat komitetine açıqlama bermek içün çağırılğan. Qırımtatar faali Zair Smedlâyev avgustnıñ 3-nde Qırım.Aqiqat muhbirine ikâye etip bergenne köre, o artıq işbu muessiseden çıqqan eken.
«O, qomşusınıñ yalan haberi sebebinden açıqlama yapmaq içün çağırılğan eken. Bu qomşu ilk defa şikâyet etmey eken: o, bir kere onı bir terroristik teşkilâtta iştirak etüvde, bir daasında onıñ evi ögünde ukrain maşnalar “kervanını” körgeninde, başqa sefer o megavatlarnen elektrik hırsızlığında qabaatlağan”, - dep ikâye ete Smedlâyev.
Onıñ sözlerine köre, Memetov beftandan dolayı qomşusını mahkemege bergen, “lâkin mahkeme onıñ tarafını tutmağan eken”.
Daa evel, Qırımtatar Qurultayı MSK reisiniñ muavini Nazim Memetov Qurman (Krasnıgvardeyskoye) rayonınıñ Rusiye Tahqiqat komitetinde bulunğanı aqqında haber etilgen edi.
Smedlâyev daa evel haber etknine köre, qomşusınıñ yalanları sebebinden, Memetovnıñ evinde elektrik teminlev şirketleri ve Rusiye nezareti altındaki telükesizlik organları tarafından defalarca teşkerüvler ötkerilgen eken.
