Link açıqlığı

Saatnıñ esas haberi

«Qırım – bizimki, turist – degil» – Qırım içtimaiy ağlarından


Köktebeldeki plâj, 2018 senesiniñ iyüni
Köktebeldeki plâj, 2018 senesiniñ iyüni

Kreml tarafından tayin etilgen Qırım ükümeti yarımadağa turistler ceryanınıñ artqanı aqqında esabat berdi. İçtimaiy ağlarda bu malümat şübhe doğurdı.

Qırımnıñ Rusiyege tabi başlığı Sergey Aksönovnıñ malümatına köre, keçken sene ile qiyas etilgende Qırımğa turistler ceryanı 3 qattan ziyade arttı ve 2 million kişi teşkil etti. «Bunıñ kibi bir kereden ösüv, elbette, eñ evelâ Keriç köprüniñ işletüv içün açılması ile bağlıdır», – dep yazdı o, özüniñ Facebookında.

Pani Timoşenko

Şimdilik quvanmağa şey yoq, bir çoq yol darma-dağın, servis bir şeyge keçmey, bir çoq plâjlar qapalı, muzeyler ve parklarğa kiriş biletleriniñ fiyatları şaşılacaq derecede büyük. Aynı şu Ay-Petrige marşrutkacılar 400-er ruble sıdırıp ala, 17:00-den soñ ise 750-şer ruble, bunı nege esaslanıp yapalar? Ve ne içün şeer avtobusı künde yalıñız bir kere kele, yoqsa, Yaltağa para kerekmeymi? Aşayt malları ile problema bar, keçenlerde Aqmescitte, merkezde, almalı rulet aldım, küften yeşil olıp çıqtı, supermarkette et alasıñ – piçen ve tezek qoqusı kele. Qırımnıñ cenübiy yalısında evler ale daa kelişi güzel şekilde qurula, kanalizatsiya ile problema nasıl çelzilmegen olsa, çöplük ile de çezilmedi. Yani quvanmaq daa erte.

Lonna Zidkova

Şu turistlerge kezinecek yer olsun dep, daa parklar açıñız.

Lâkin Aksönovnıñ postu altındaki izaatlarda bile top-top kelgen turistler aqqında malümattan şübhelendiler.

Oleg Kozırev

Yalta plâjlarınıñ fotoresimine köre, ceryan kene de mına saña degen kibi degil

Sergey Kaminskiy

Bu, iç şübhesiz, ayrı yerlerdeki anşlag, esas olaraq Ukraina ile oğanına köre azdır

Yuriy Şçerbak

Üfürtip qar boranı çıqarmañız. İnsanlar az ya.

İçtimaiy ağlarda Qırım kurortlarınıñ plâjları ve yalılarında turistlerniñ qıdırılması boyunca büyük meraq doğurıcı bir kvest devam ete. Bazı yerlerde insanlar kerçekten de çoqlaştı, lâkin olarnıñ sayısı «Ukraina zamanlarındaki» rakamlar ile asla qiyas etilmez.

Keriç boğazındaki köpürde de büyük bir turistler ceryanı körünmey.

İzalağanlar arasında, 2018 sezonını bundan evelkinden daa muvafaqiyetli sayğanlar da bar. Munaqaşa başlandı.

Mihail Shermann

Men vahşiyce afu isteyim, lâkin eger şimdi olğanına «ayaq basmağa yer yoq» demek mümkün olsa, Aleksandr, belki de, Köktebelde «ayaq basmağa yer yoq» ne olğanını bir vaqıt körmegendir… bu, qararnen, keçken yıllarda, tahminen, sentâbr 10-15-ten soñ…

Lüdvika Papandopulu

Yaltada bile halq az, aqşam üstü plâjğa bardım, Köktebelni aytmağa ne bar… şeerde añlaşılmağan insanlar anda-mında yüre, körüniş yaratalar

XS
SM
MD
LG