«Bütün halq içün büyük bir ğayıp». Qırımda Server Karametovnı defin ettiler (video)

İyün 24-te Eski Qırımnıñ şeer mezarlığında qırımtatar milliy areketiniñ veteranı Server Karametovnıñ cenazesi topraqqa berildi. Veteran, Eski Qırımda yüz köstergen avtomobil qazasından soñ iyün 23-te hastahanede vefat etti. Qırımda faaliyetçini, yaşına ve bir sıra hastalıqlarına baqmadan, cemaat içindeki qırımtatarlarnıñ aqlarını qorçalav tedbirlerinde iştirak etken öz halqınıñ severi olaraq bile ediler. 76 yaşlı faaliyetçi bütün ömür yardımcı işçi olıp çalıştı.