Uzeir Abdullayev: talebeleri tarafından tevqif etilgen kişi (video)

Tevqiften soñ Uzeir Abdullayevde tahqiqat izolâtorında sağlıq ile problemalar başlandı. Bu seneniñ baarinde ise ciddiy bir keskinleşüv oldı – onda ayağı pek şişti, ve aqrabaları, bu, ölüm ile yekünlene bilecek qannıñ zeerlenmesi, dep zan ete ediler. Oña tibbiy yardımnıñ kösterilmesini temin ettire bilmek içün imayecileri ve toplulıq çoq zamet etti. Ve facialı neticege yol berilmedi. Aqmescitteki «Hizb ut-Tahrir işi» boyunca tahqiqat endi yekünlendi. Şimdi qabaatlanğanlar ve olarnıñ qorçalayıcıları cinaiy işniñ materiallarınen tanış ola. Tezden o, mahkemege berilecek. Bu işniñ beş figurantı da Rusiyede yasaq etilgen «Hizb ut-Tahrir» siyasiy İslâm teşkilâtına aitliginde qabaatlana. Uzeir Abdullayev içün 10 yıldan 15 yılğa qadar parmaqlıqlar artında qalmaq telükesi bar.