Rusiye tarafdarı olğan faal ve bloger Oleg Koçerov Qırımnıñ şimaliy-şarqiy qısmında tahminlerge köre qıtaylı yatırımcıları issihaneler qurğanı aqqında bir qaç dane video derc etti. Yerli ziraatçılarnı bu mesele ciddiy şekilde raatsızlay. Çiftçiler tek teñsiz reqabetten degil de, qıtaylılar sebze ve meyva asrağanda zeerhimikatlar qullanılacağından da saqınmaqtalar.
Daa yanvar yanında Kreml nezareti altındaki Qırım Ziraat nazirligi, nazirlikniñ yolbaşçısı Andrey Rümşin bir qaç qıtayı yatırımcınen keçirgen körüşüv neticesinde, olar Rusiye ilhaq etken Qırımda pomidor, patıcan, hıyar, havuç, sarımsaq, qavun, qarpuz, yemişasramaq içün 600 million ruble (277 mln grivna –QA) yatırmağa azır olğanları aqqında haber etken edi.
«Qırım qabarcılıqqa qarşı küreş komiteti»niñ reisi, «Altatılğan Qırım» teşkilâtçısı İlya Bolşedvorov, Qırımda Qıtay ziraat yatırımlarını tolu bir yatırım dep saymağa sıra kelmey dep tüşüne.
Qıtaylı yatırımcılar denilgen şahıslar issihanelerni el altından tapılğan materiallardan quralar ve buña yatırım demege sıra tüşmeyİlya Bolşedvorov
– Qıtaylı yatırımcılar denilgen şahıslar issihanelerni el altından tapılğan materiallardan quralar ve buña yatırım demege sıra tüşmey – bu iş asla da böyle olıp körünmey. İnsanlarnı Rusiyede qıtaylı ziraatçılarınıñ itibarı raatsızlay: bu – keyfiyetsiz mahsulat, kübre olaraq nezaretsiz surette himiyeviy maddelerniñ qullanıluvı ve tezce ösmesi ve tış körünişi iyileştirimezsi içün ösümliklerge çeşit türlü boya maddeleriniñ qullanılması demek. Ayrıca insanlar zaten tolıp-taşqan bazarda ilâve reqabet doğuracağından saqınalar. Boğaz keçiti istiqararsız çalışqanı sebebinden rusiyeli kötere müşteriler Qırım ziraat mahsularlarını satın almağa aşıqmaylâr.
İlya Bolşedvorov qayd etkenine köre, Qırımnıñ Seitler rayonında yerli sakinler narazılıq köstergen soñ, qıtaylı isshaneler dağıtılıp alınğan. Faalniñ sözlerine köre, narazılıqlar diger rayonlarda da devam etken, faqat ziyade faal olmağanı içün bir netice bermegen.
Vaziyet kritik bir noqtağa barıp yetmegence bir şey yapılmaz, ancaq yetkeninde de, topraqlar ve Qırımda asralğan ziraat mahsulatları artıq zarar körip yetiştirirİlya Bolşedvorov
– Atta şu Seitler rayonında bile mesele yerli sakinlernen ükümet arasında yani Vladimir Konstantinovnen çatışma olacaq derecege barıp yetti (Qırımnıñ rusiyeli parlamentiniñ yolbaşçısı –QA). Olarğa basqı yapıldı, anda men qarıştım degen manada, atta sımarışlı miting bile toplağan ediler. Daa soñra men bu insanlarnen laf etkenimde, olar mecbur ettiler dep tasdıqladılar. Bu şartlarda birşey yapmaq pek qıyın. İnsanler epbir pek qorqalar, olar köy insanı da. Öz aq-uquqları içün kürşmek pek qıyın. Men bellesem, vaziyet kritik bir noqtağa barıp yetmegence bir şey yapılmaz, ancaq yetkeninde de, topraqlar ve Qırımda asralğan ziraat mahsulatları artıq zarar körip yetiştirir. Menimce, bir şekilde yatırım leyhalarınıñ miqdarını sıñırlamaq kerek.
Ukraina sebze-meyva birleşmesiniñ reberi Födor Rıbalko, qıtaylılarnıñ özleri bile öz çiftçileriniñ mahsulatına işanmağanlarını iddia ete.
– Bir gektarğa million dollar atta daa ziyade yatırım yapılmaq kerek olğan camnen qaplı issihaneler bar. Ayrıca aynı meydan üzerinde yüz biñ dollar sarf etip polietilen çıtanen qaplanğan issihaler de bar. Daa evel Ukrainanıñ cenübiy vilâyetlerinden ucuz fiyatqa mal satın alına edi. Şimdi fiyatlar bayağı arttı ve bu yañı oyuncılar içün bir stimul bere. Men yerli istisalcılar için risk yoqtır dep tüşünem, çünki olar on yıllar devamında çalışa ve bazarları da bar, yerli iklimni de daa yahşı bileler.Men qıtay tehnologiyalarınen Orta Asiyada tanıştım. Anda bir endek qazıp, suvuqtan qorçalamaq içün üzerini sadece polietilen çıtanen qaplay ediler. Atta Qıtaynıñ özünde bile qıtay mahsulatına işanmaylâr, onıñ içün italât miqdarı da arta. Qıtaylı istimalcılar qıtay mahsulatı qullanmamaq içün, ziyade para tölep çetelden uçaqnen bile mal ketirmege azır.
(Metinni Vladislav Lentsev azırldı)
