Qırımnıñ Rusiyege tabi ukümeti Bağçasarayda qırımtatarlarnıñ Hıdırlez bayramı munasebeti ile kütleviy şeñlikler teşkil etti. İçtimaiy ağlarnıñ qullanıcıları bayram etilgen yer ve onıñ medeniy programmasına dair iddialarda bulundılar.
Qırım memurları ve akimiyetke sadıq KHVler Hıdırlez şeñliklerinden yapılğan renkli reportajlar ile paylaştılar. Olarnıñ malümatına köre, olarda bütün Qırımdan 55 biñ kişi toplandı.
Lâkin bunı iza etkenler bayramnıñ teşkil eticileri tarafnından ilân etilgen raqamlardan şübhelendiler.
Eñ külünçlisi – 55000 kişi toplanğanı))))) Şöyle, bilgiñiz içün, Bağçasaraynıñ bütün ealisi – 27000. Anda 5000 kişiden ziyade olmağanını mahsus alet qullanmayıp da körmek mümkün. Ondan da ğayrı, olarnıñ yarısından ziyadesi qırımtatar olmağan kişiler. Bu, 4 yıl içinde Qırımdaki ukümetniñ, qırımtatarlar tarafından loyallikni öyle de qazanıp olamağanını ve qazanamaycağını nevbetteki kere köstere.
Ya ne o qadar az yazdıñız? Birden 550 biñ yazmaq kerek edi :-)
Bayram şeñlikleriniñ tenqitçileri onıñ keçirilgen yerine diqqat ettiler.
Getto hronikası. Kemikler üstünde mecburiy bayram ya da közyaşlı haytarma
…Asılında, bugünki Hıdırlezden bütün fotoresimler «Bu yerden Ervin İbragimovnı alıp qaçtılar» alt yazısı ile olsa, yahşı olur edi.
Uçurım. Tüpsüz…
Muzakere iştirakçileri medeniy programmağa dair da iddialarda bulundı.
Şimdiki Qırımda böyle bayramlarnıñ siyasiyleştirilmesi ve onıñ menfiy neticelerine Illona Karaçan diqqat çekti.
