Bulutlı, yağmurlı, bazı yerlerde ise atta qarlı ava Ukrainağa ancaq bir künge kelgen. Aprelniñ 3-ü, salı kününden başlap ise, aman-aman bütün memlekette küneşli ve sıcaq ava olacaqtır. Bunı ukrain sinıptigi Natalya Didenko haber etti.
«Ğarpta – qar ve +1... +4 derece, şarq ve cenüpte – yağmurlar ve +8... +12 derece. Çoqusı vilâyetlerde +4... +7 derece sıcaq ve bulutlı ava olacaqtır. Bügün yarmurlar şarqiy tarafqa keçecektir, qarbta qarlar irimege devam eter. Yarından başlap bütün Ukrainada sıcaq ava üküm sürmeli. Pascha bayramında küneşli ve sıcaq ava olacaqtır», – dep yazdı Didenko Facebookta.
Bu kibi tahminlerni ğarbiy sinoptik saytları da paylaştı. Ayrıca, Norveç meteorologiya intitutı yaqın künlerde avanıñ qızacağını közde tuta, küneşniñ çıqacağında ise o qadar emin degil. Meselâ, Harkivde küneşli ava ancaq cumaertesi künü, aprelniñ 7-nde olacağı beklenile.
Bundan evel haber etildi ki, Qırımda aprelniñ 2-nde, ava şaraitleri fenalaşqanı sebebinden, furtuna havfı ilân etilgen.
