Qırımda aprelniñ 2-nde, ava şaraitleri fenalaşqanı sebebinden, furtuna havfı ilân etilgen. Bunı Qırımnıñ Gidrometeomerkezi haber ete.
«Atlantik tsiklonnıñ suvuq tarafı faal keçkeninden sebep, aprelniñ 2-nde Qırımda küçlü yağmur, bazı yerlerde pek küçlü yağmur, boran, burçaq, saniyede 17-22 metr suratınen sağanaqlı yel beklenile», – dep aytıla bildirüvde.
Bundan evel Qırımdaki Rusiye FVN idaresi yarımadada küçlü yel sebebinden furtuna havfını ilân etken edi.
