Mart 18-de Rusiye prezidenti Vladimir Putin, ne Ukraina ve öz qanunlarına zıt kelgenine, ne de dünya toplulığı tarafından taqbih etilgenine baqıp, Qırımnıñ yañı «ükümeti» ile yarımadanıñ Rusiyege «qoşuluvı» aqqında añlaşmanı imzaladı. Aynı şu künü Aqmescitte, «Qırımdaki özüni qorçalav»nıñ birinci qurbanı olğan faaliyetçi Reşat Ametovnıñ cenazesi oldı ve Ukrainanıñ arbiy hadimi Sergey Kokurin öldürildi.
Künniñ resimi
Yarı gecege yaqın «Qırımdaki özüni qorçalav» Aqyarda Ukraina Arbiy deñiz quvetleriniñ oqutuv merkezindeki konrtol-keçirüv noqtasını zırhlı transportör ile qapattı. Ukraina arbiyleri teslim oluv aqqında ultimatumnı red etti. «Özüni qorçalav» kiriş yanında öz piyade patrulini qaldırdı.
Qadın Rusiye arbiyleriniñ nezareti altında Ukraina arbiylerine aş alıp bere, 2014 senesi mart 18 künü
Yaltada belli olmağan şahıslar «Segodnâ» Ukraina gazetasınıñ muhbiri Dmitriy Bunetskiy ve fotografı Sergey Nikolayevni köteklep, çaypadılar.
Ukraina, Poloniya ve Litva parlamentleriniñ başlıqları Kremlge, tecavuznı toqtatmaq talabı ile ortaq muracaatını imzaladılar.
Ukraina, Poloniya ve Litvanıñ ortaq muracaatı, 2014 senesi mart 18 künü
Rusiye prezidenti Vladimir Putin, Qırımdan Federatsiyağa qabul etilmesine dair teklif alğanını Rusiye parlamenti ve ükümetine bildirip, munasip añlaşmanı imzalamaq emirini berdi.
Putin Qırım ile añlaşmanıñ leyhasını maqbul kördi, 2014 senesi mart 18 künü
«Qırımdaki özüni qorçalav» Kefede arbiy sanatoriyni zapt etti.
Rusiye askerleri Doñuzlav limanında Ukraina gemilerini zapt ettiler.
Ukrainanıñ gemilerini zapt etüv, 2014 senesi mart 18 künü
Belli olmağan silâlı adamlar Aqmescitte avtosalonnı zapt etti ve jurnalist İbraim Umerov ile ATR telekanalınıñ operatorını yaqaladılar.
Sergey Aksönov, yarımadadaki Ukraina silâlı quvetleriniñ arbiy qısımlarına ait bütün mal-mülk ve silâlarnı Qırım mal-mülkü sırasına keçirilmesine dair emir berdi.
Qırım parlamenti binasınıñ ög divarındaki deñişmeler, 2014 senesi mart 18 künü
Aqmescitte Qırımdaki TİN glavkınıñ binası yanında alıp qaçılğan Ukraina faaliyetçilerini tapıp, azat etmek talabınen miting ötkerildi.
Aqmescitte «Qırımdaki özüni qorçalav» ev-mesken işletilmesi qısmınıñ rehberi Vladislav Neçiporenkonı alıp qaçtı.
Aqmescitteki şeer mezarlığında bunıñ arfesinde tapılğan Reşat Ametovnıñ cenazesi yapıldı. «Özüni qorçalav»nıñ vekilleri onı daa mart 3-te alıp qaçtılar.
Reşat Ametovnıñ cenazesi, 2014 senesi mart 18 künü
Reşat Ametovnıñ cenazesi, 2014 senesi mart 18 künü
Vladimir Putin Kremlde, Rusiyeniñ Qırımğa iddialarını esaslandırğan «Qırım nutqu» ile çıqış yaptı.
Vladimir Putinniñ «Qırım nutqu», 2014 senesi mart 18 künü
Vladimir Putin, Vladimir Konstantinov, Sergey Aksönov ve Aleksey Çalıy Qırımnıñ Rusiyege qabul etilmesi aqqında añlaşmanı imzaladılar.
Ukraina, Qırım Cumhuriyetiniñ mustaqilligini tanımağanı kibi, Qırım Cumhuriyeti ve Aqyarnıñ Rusiye Federatsiyasına qoşulğanlarını tanımay.
Ukraina TİNiniñ bildirüvi, 2014 senesi mart 18 künü
Poloniya baş naziri Donald Tusk, Qırımnıñ Rusiyege qoşulması aqqında qarar halqara toplulıq tarafından qabul etilemez, dep bildirdi.
Fransa da Qırımdaki referendumnı tanımay ve onıñ Rusiyege «qoşulmasını» qanunsız saya.
AB Rusiyeniñ Qırım ve Aqyarnıñ «qoşuluvı» aqqında qararını tanımay.
Avropa Qırımnı Rusiyeniñ qısmı olaraq tanımay
100 biñden ziyade kişi Moskvada Qırımnıñ Rusiyege «kirmesi» munasebeti ile teşkil etilgen mitingge keldi. Daa soñra miting iştirakçilerine Vladimir Putin qatıldı.
Putinniñ Moskvadaki mitingde çıqışı, 2014 senesi mart 18 künü
Aqmescitte «Qırımdaki özüni qorçalav», İgor Girkinniñ komandanlığı altındaki Rusiye askerleriniñ qol tutuvı ile fotogrammetrik merkezine ucüm etti. Atışma neticesinde Ukraina praporşçigi Sergey Kakurin öldürildi, daa bir Ukraina arbiyi yaralandı. Ondan ğayrı rusiyeli «göñülli» öldürildi. Ukraina Mudafaa nazirligi silâlarnıñ qullanılmasına izin berdi.
Ukraina praporşçiginiñ elâk etmesi, 2014 senesi 18 mart künü
Yaltada Ukraina keşfiyatı polkovnigi İgor Losnikovnı alıp qaçtılar. Aynı şu künü onı yiberdiler.
Qırımda yerleşken Ukrainanıñ deñiz qorçalavı sıñırcıları yarımadanı terk etip başladılar.
Rusiye askerleri Aqmescitte Ukraina arbiylerini yaqalaylar, 2014 senesi mart 18 künü
Aqşam Aqmescitte Rusiyege «qoşuluv» munasebeti ile eki biñ kişilik miting ötkerildi.
Aqmescitte Rusiyege «qoşuluv» munasebeti ile yapılğan bayram, 2014 senesi mart 18 künü.
Bu metin birinci kere 2017 senesiniñ martında derc etildi
