Link açıqlığı

Saatnıñ esas haberi

Qırımğa tez ve qanuniy yolnen baruv: memuriy sıñırğace yolcu naqliyatı ne şekilde olacaq


Avtobus «Çonğar» KÇKN yanında. Arhivden alınğan fotosuret
Avtobus «Çonğar» KÇKN yanında. Arhivden alınğan fotosuret

Qırım memuriy sıñırı yanındaki naqliyatçılarnıñ episi izinsiz, ekseriyeti ise – asıl da naqliyat litsenziyası ve sigorta almadan çalışa.Bu aqta Ukraina prezidentiniñ Qırımdaki temsilcisiniñ muavini İzet Gdanov beyan etti. O, ayırıca bu meseleni tez vaqıtta çezip, qanuniy yolcu taşımacılığı teşkil etmek kerek olğanını qayd etti.

Martnıñ 1-nden itibaren Qırım memuriy sıñırına qadar qatnaycaq eki dane şeerlerarası tren çalışıp başladı. Vaqıt ceetinden olar şeerge qatnağan Kyiv ve Harkiv trenleriniñ keliş saatine keliştirildi. Şeerlerara trenler «Kalançak» kiriş-çıqış noqtasına 10 km mesafede yerleşken «Vadim» stantsiyasına qadar qatnaycaq. Ukraina prezidentiniñ Qırım MC daimiy temsilcisi Boris Babin bu stantsiya ile memuriy sıñır arasında resmiy yolcu naqliyatı çalışıp başlaycağına söz bergen edi.

Ukraina prezidentiniñ Qırım MC temsilcisiniñ birinci muavini İzet Gdanov,Qırım memuriy sıñırı civarına yolcularnıñ qanuniy naqliyatı mart ayınıñ ortasına qadar al etilecegine söz bere.

Hersondan Qırım memuriy sıñırına qadar qatnağan bütün naqliyat qanunsız yapıla. Olarnı qanuniyleştirmek ise – yerli akimiyetniñ vazifesi
İzet Gdanov

– Biz küç idaresiniñ hadimlerinen beraber bir qaç kere reyd yaptıq ve Hersondan Qırım memuriy sıñırına qadar yapılğan bütün naqliyat qanunsız olğanını tesbit ettik. Olarnı qabuniyleştirmek ise – yerli akimiyetniñ vazifesi ve bunuñ içün olarğa bazı avaleler berdik. Herson valiligi region sıñırları içinde bir yarışma kerirerek, qanuniy bir naqliyatçını saylâmaq kerek edi. Şimdilik Geniçesk rayon memuriyeti vaqtınca bir naqliyatçını tayin ete ve yaqın zamanda o iş mıtlaq bir tertipke ketirilecek. Bu mesele mart ayınıñ ortasına qadar al etilmeli. Men er kesni sakinleştirmek isteyim: er kes qorqqanı kibi iç bir türlü yıqıp taşlav, iç bir türlü aydutlıq yapılmaycaq. Qırım politsiya idaresiniñ mında köçürilgeni sebebinden yerli yolcu naqliyatını bir tertipke kirsetmek içün, bizler belli bir küçke saipmiz.

Izet Gdanov
Izet Gdanov

Vaqtınca işğal etilgen territoriyalar işleri naziriniñ birinci muavini Yusuf Kurkçi, Qırım memuriy sıñırına qadar qanuniy naqliyat abadanlaştırılğanavtostantsiyalar olğan taqdirde yapılması mümkün, dep saya.

Avtostantsiyalarnıñ açıluvu çeşit strukturalarğa marşrutlar işlep çıqarmağa ve dağıtmağa fursat berecek
Yusuf Kurkçi

– Eger memuriy sıñırdaki kiriş-çıqış noqtalarından yılda 2,5 million insan keçse, demek olar yalıñız turizm niyetinen, ya da yalıñız A noqtasından B noqtasına qadar cesaret ya da meraq niyetinen ketmemektedir. Bu inasanlar muayyen ve belli bir maqsatnen keteler demek. Bügün de-bügün devlet, işğal etilgen territoriyalarnıñ memuriy sıñırını kesip keçken insanlar litsenziyası olğan naqliyat ve diger hızmetlernen faydalanması içün yolcu naqliyatını keregi kibi teşkil etip olamadı. Memuriy sıñır terkibinde avtostantsiya ve yemekhanesinen beraber memuriy hızmet bergen servis zonası teşkil etilmesi planlaştırıla. Amma eñ muimi şudır: avtostantsiyanıñ açıluvı çeşit strukturalarğa marşrutlar işlep çıqarmağa ve dağıtmağa fursat berecek.

Yusuf Kurkçi
Yusuf Kurkçi

Daimiy naqliyat teşkil etmek içün ilk-evelâ uyğun şartlar meydanğa ketirmek kerek, dep qayd ete Yusuf Kurkçi.

Ukraina qanunnamesine köre, Qırımğa resmiy sürette yolcu naqliyatı yapılması yasaq – olar tek kiriş-çıqış noqtalarına qadar qatnaybile
Yusuf Kurkçi

– İnanıñ ki, akimiyette çalışqan insanlar bunı istemegeni içün degil de, ilk-evelâ bir sürü şartlarnı yerine ketirmek kerek olğanı içün yapmaylâr. Ondan da ğayrı, Ukraina qanunnamesine köre, Qırımğa resmiy sürette yolcu naqliyatı yapılması yasaq – olar tek kiriş-çıqış noqtalarına qadar qatnaybile. Men bütün samimiyetimnen memuriy sıñır yanında memuriy hızmet bergen merkezler çalışıp başlamağanı içün afu sorayım. Biz alâ daa diger müessiselerde çalışqan ve qarar qabul etilüvi içün mesül olğan zenaatdaşlarımızğa bunıñ muim olğanını añlatmağa tırışamız. Afsus ki, Maliye nazirliginiñ daa muim meseleleri bar, lâkin yaqın vaqıtta bunıñ çezileceginden eminim.

Tatyana Kurmanova

(Metinni Vladimir Lentsev azırladı)

XS
SM
MD
LG