Link açıqlığı

Saatnıñ esas haberi

Yaltalı «Hizb ut-Tahrir işi»nen bağlı mahkemede eñ muim şaat sorğulandı


Martnıñ 5-nde Rostovnıñ Şimaliy-Kavkaz okrugı arbiy mahkemesinde Yaltalı «Hizb ut-Tahrir işiniñ» eñ muim şaatı olğan Rusiye FSB hadimi Aleksandr Kompaniytsevniñ sorğulanuvı yekünlendi.Bu aqta Qırım.Aqiqatqa advokat Aleksey Ladin ikâye etip berdi.

«Onıñ (şaatnıñ –QA) sorğulanuvı başlanğanı ve devam etkeni kibi bitti. Ancaq eñ esas olğan: «Qabaatlanğanlarnıñ devlet qurumını yıquvnen bağlı areketleri esasen neden ibaret edi?», degen sualge – «oprerativ malümatqa köre işte şu-şu meseleler bar» ya da «devlet sırı olğanı içün bunı aytıp olamayım» denilgen cevaplar berildi. Yani «Hizb ut-Tahrir» ne olğanınen alâqalı uzun bir açıqlamalar pek çoq edi», – dedi Ladin.

Bu sebepten dolayı imaye, şaat «normal tarif etmesi içün» mahkeme qapalı tarzda keçirilmesi maqsadınen muracaat etse de, muracaat red etildi.

Nevbetteki oturışuvnı martnıñ 6-nda keçirmek niyetindeler.

2016 senesi fevral-mart ayları arasında Yaltada Arsen Cepparov ve Refat Alimov, Emir-Üsein Kuku, Muslim Aliyev, Enver Bekirov ve Vadim Sirük tutulıp alınğan edi. Olar Rusiyede yasaqlanğan «Hizb ut-Tahrir» islâm siyasiy teşkilâtına alâqası olğanındsa qabaatlana.

Daa evel Rusiye arbiy mahkemesi Yaltalı «Hizb ut-Tahrir işi» mahkemelerini Aqmescitte köçme oturışuvda keçire edi. Ondan soñ tevqif etilgen qırımlılar Rostov-na-Donu şeerine yollanıldı.

Yanvarniñ 24-nde Ukraina tış işleri nazirligi Rusiyeden Yaltalı «Hizb ut-Tahrir işi» altı iştirakçisiniñ azat etilmesi talap etken edi.

«Hizb ut-Tahrir» halqara islâm siyasiy teşkilâtı, bütün musulman devletleriniñ islâm halifatına birleştirilmesini öz maqsadı olğanını ayta, amma olar, bu maqsatqa irişmek içün terroristik usullarnı red ete ve Rusiyede adaletsiz taqip etilgenini ayta. Rusiye Yuqarı mahkemesi 2003 senesi «Hizb ut-Tahrir» teşkilâtını 15 «terrorist» birleşme cedveline kirsetip, onı yasaq etti.

«Hizb ut-Tahrir davası» boyunca apiske alınğan ve mahküm etilgenlerniñ imayecileri olarnıñ taqip etilmesi diniy sebeplernen bağlı olğanını tüşüne. Advokat Emil Kürbedinovnıñ qayd etkenine köre, Rusiye uquq qoruyıcı organları tarafından bu dava boyunca taqip etilgenler – ekseriyeti qırımtatarlar ve ukrain, rus, tacik, azeri ve islâm dinini kütken diger millet vekilleri.

XS
SM
MD
LG